«Оғир ижтимоий аҳволда қолган хотин-қизлар ҳуқуқлари кафолатларини таъминлаш бўйича қўшимча чора-тадбирлар қабул қилингани муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги қонун 9 декабрь куни президент томонидан имзоланди, деб хабар бермоқда Адлия вазирлиги матбуот хизмати.
Қонун билан «Фуқароларнинг ўзини ўзи бошқариш органлари тўғрисида»ги қонунга киритилган қўшимчаларга кўра:
- Фуқаролар йиғинига — хотин-қизлар ва болаларга нисбатан тазйиқ ўтказган ва зўравонлик содир этган ёхуд бундай ишларга мойил бўлган шахсларни аниқлашда, ушбу шахслар билан олиб бориладиган профилактика ишларида иштирок этиш ваколати;
- Фуқаролар йиғини раисига — тазйиқ ва зўравонликка учраган ҳамда бу ҳақда мурожаат қилган хотин-қизларни ҳимоя қилишга доир чора-тадбирларни белгилаш, мазкур фактлар тўғрисида тегишли аёлларни реабилитация қилиш ва мослаштириш марказларига ҳамда ички ишлар органларига зудлик билан хабар бериш ваколати берилди.
- Меҳнат органлари томонидан оилавий муаммоларга ва зўрлик ишлатилишига дуч келган хотин-қизлар бандлигини таъминлаш ва касбга йўналтиришга кўмаклашиш;
- Соғлиқни сақлаш органлари томонидан тазйиқ ва зўравонликдан жабрланувчиларга ва уларнинг болаларига бирламчи тиббий ёрдам кўрсатиш, уларни тиббий кўрикдан ўтказиш, шунингдек тазйиқ ва зўравонликдан жабрланувчиларни бепул даволаш чоралари кўрилади.
Аввалроқ президентнинг «Зўрлик ишлатишдан жабр кўрган хотин-қизларни реабилитация қилишга оид қўшимча чора-тадбирлар тўғрисида»ги қарорига мувофиқ Халқ таълими вазирлигига ўз жонига қасд қилишга мойил қизлар рўйхатини шакллантириш вазифаси юклангани тўғрисида хабар берилганди.
Мавзуга доир:
- «Аёлларга нисбатан ҳар қандай зўравонлик илдизини қуритиш йўлидаги курашда сизнинг олдингизда бўламан» — Саида Мирзиёева
- Ўзбекистонда 10 ой ичида реабилитация марказларига мурожаат қилган фуқаролар кўпроқ қандай зўравонликка учрагани маълум қилинди
- Ўзбекистондаги қайси ҳудуд аёллари зўравонлик ва тазйиққа кўп учраётгани маълум қилинди
Изоҳ (0)