Ўзбекистон йўлларида содир бўлган ҳодисалар ҳақида батафсил маълумотлар тақдим этамиз.
15 ёшли бола бошқарувидаги Cobalt Matiz билан тўқнашиб ёниб кетди.
2021 йил 8 декабрь куни тахминан соат 22:00 да Шифо нур ва Талабалар кўчалари кесишмасида Cobalt автомобилини тегишли ҳуқуқсиз бошқарган 15 ёшли А.М. қарама-қарши ҳаракат йўлига чиқиб, 33 ёшли Р.И. бошқарувидаги Matiz автомобилига тўқнашган.
Тўқнашувдан сўнг Cobalt ҳаракатни бошқарувсиз давом этиб дарахтга урилган ва ёнишни бошлаган. Ёнғин воқеа жойига етиб келган ёнғин хавфсизлиги ходимлари томонидан ўчирилди.
Тўқнашув оқибатида иккала ҳайдовчи ҳам бадан шикастлари билан тиббиёт муассасасига етказилди. Уларнинг ҳолати қониқарли.
Ушбу факт бўйича Тошкент шаҳар ИИББ ходимлари томонидан тергов текширув ўтказилмоқда.
Чустда Nexia 54 ёшли пиёдани уриб кетди.
2021 йил 3 декабрь куни соат 20:20 ларда, «Шоён» МФЙ ҳудудида, Чуст туманида яшовчи, 1995 йилда туғилган фуқаро Nexia автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган аёлни( Чуст туманида яшаган, 1967 йилда туғилган) уриб юборган.
Оқибатда пиёда ўта оғир қўшма шикастланиш, бош мия лат ейиши, кўкрак қафаси ёпиқ шикастланиши ташхиси билан тан жароҳати олиб, кўрсатилган тиббий муолажаларга қарамай шифохонада вафот этган.
Ушбу ҳолат бўйича Чуст туман ИИБ ҳузуридаги ТБ томонидан 2021 йил 4 декабрь куни Жиноят кодексининг 266-моддаси 2-қисми (транспорт бошқариш хавфсизлиги қоидаларини бузиш) билан жиноят иши қўзғатилган.
Тошкент вилоятида 4 та автомобиль ва автобус иштирокида ЙТҲ содир бўлди.
Дастлабки маълумотларга кўра, 2021 йил 9 декабрь куни соат 07:30 ларда, Тошкент вилояти, Юқори Чирчиқ тумани ҳудудидан ўтган Тошкент–Олмалиқ автомобиль йўлининг 36-километрида, туманли об-ҳаво шароитида, йўлнинг кўриниш масофаси камлиги сабабли бир йўналишда олдинма-кетин ҳаракатланиб келаётган Damas, Nexia, Spark, Nexia-3 автомобиллари ҳамда Isuzu автобуси иштирокида тўқнашув содир бўлган.
Тўқнашув натижасида тан жароҳати олган фуқаролар йўқ.
Мазкур ЙТҲ юзасидан Юқори Чирчиқ тумани ИИБ ЙҲХБ ходимлари томонидан ҳодиса жойида суриштирув олиб борилиб, тегишли ҳужжатлар расмийлаштирилмоқда.
Термизда Spark ёниб кетди.
2021 йилнинг 9 декабрь куни соат тахминан 10:15 лар чамаси Термиз шаҳри «Тупроққорғон» маҳалласи Ислом Каримов кўчасида жойлашган чорраҳада светофорнинг тақиқловчи ишорасида тўхтаб турган ҳайдовчи бошқарувида бўлган Spark автомашинанинг двигатель қисмида ёнғин содир бўлган.
Ҳодиса жойига зудлик билан ЙПХ ҳамда Термиз шаҳар ФВБ ёнғин ўчириш қисми ходимлари етиб келган. Ёнғин оқибатида автоулов зарарланган. Тан жароҳати олганлар йўқ.
Ҳозирда мазкур ҳолат юзасидан Сурхондарё вилояти ФВБ Термиз шаҳар бўлими масъул ходимлари томонидан суруштирув ишлари олиб борилмоқда.
Gentra 73 ёшли велосипедчи ўлимига сабабчи бўлди.
Фарғона вилояти Қўштепа туманида 6 декабрь куни кеч соат 20:30 ларда 4К-864 автомобиль йўлининг 4-километрида Gentra автомобили ҳайдовчиси ўзи билан бир йўналишда кетаётган велосипедчини уриб юборган.
Оқибатда 73 ёшли фуқаро воқеа жойида ҳалок бўлган.
Ҳозирда тезкор-тергов гуруҳи воқеа тафсилотларини ўрганмоқда.
Зоминда «Жигули» ва Damas тўқнашди.
2021 йил 4 декабрь куни соат 13:30 ларда Зомин туманидан ўтган 4Р-40 Қашқобод–Зомин–Супа–Бахмал автомобиль йўлининг 16-километрида шу туманда яшовчи ҳайдовчи «ВАЗ-2106» автомобилини метан газ қуйиш шохобчасидан ҳаракатланиб чиқаётиб асосий йўлдан ҳаракатланиб келаётган Damas автомашинаси билан тўқнашган.
Оқибатда «ВАЗ-2106» ҳайдовчиси тан жароҳати олиб шифохонага ётқизилган.
Олмазорда Orlando ёниб кетди.
Дастлабки маълумотларга кўра, 2021 йил 8 декабрь куни соат 18:50 ларда Тошкент шаҳар, Олмазор тумани, Нурафшон ва Қорасарой кўчалари кесишган чорраҳада, ҳайдовчи (1976 йилда туғилган) К.Х. бошқарувидаги Orlando автомобилининг двигатель қисмида ёнғин юзага келган. Ҳайдовчи зудлик билан тўхтаб, автомобилдан тушган.
Ёнғин ўт ўчирувчилар томонидан бартараф этилган. Ёнғин натижасида тан жароҳати олган фуқаролар йўқ.
Мазкур ҳодиса юзасидан Олмазор тумани ФВБ ва ЙҲХБ ходимлари томонидан суриштирув олиб борилмоқда.
Изоҳ (0)