Наманган шаҳри кўчаларида ҳайдовчи ва пиёдаларни ҳушёрликка чорловчи тарғибот автокарвони ҳаракатланмоқда. Бу ҳақда «Дарё» мухбири Азизбек Абдувалиев хабар бермоқда.
Эвакуаторларга вилоятда рўй берган ЙТҲлар оқибатида шикастланган енгил автомобиллар ортилди. Уларнинг аксарияти аварияларда мажақланган ёки ёниб кетган.
Вилоят йўл ҳаракати хавфсизлиги бошқармаси томонидан ташкилланган автокарвон давомида овоз кучайтиргичлар ёрдамида йўл қоидаларига риоя этиш, тезликни оширмаслик, ҳушёр бўлишга чақирилмоқда.
Эвакуаторлар турли манзиллар томон йўлга чиққан бўлиб, мазкур кўргазмали тарғибот ва унинг доирасидаги тадбирлар билан вилоятнинг барча шаҳар-туманларини қамраб олиш кўзда тутилган.
Маълумот учун, Наманганда 2021 йил 1 декабрь ҳолатига жами 1020 та йўл-транспорт ҳодисаси содир бўлган. Бу ўтган йилнинг шу даврига нисбатан деярли икки баробар кўп. Уларнинг оқибатида 171 киши ҳалок бўлди, қарийб 1000 киши жароҳатланди.
Изоҳ (0)