Улар машҳур бўлишни хоҳламаган: Брэд Питт, Женнифер Лоуренс ва бошқа юлдузлар болалигида ким бўлишни орзу қилган? (фото)

Баъзи таниқли инсонлар ёшлигиданоқ актёр ёки қўшиқчи бўлишни мақсад қилган, аммо уларнинг орасида тамоман бошқа касбни эгаллашни истаганлар ҳам бор эди. Гарчи уларнинг орзуси ушалмаган бўлса-да, санъат соҳасида муваффақиятга эришган.

Брэд Питт

Актёрнинг архитектура ҳақидаги Design е2 сериалининг овоз бериш жараёнида иштирок этиши бежизга эмас. У архитектор бўлишни хоҳлаган ва ҳатто шу йўналишда институтга кирмоқчи ҳам бўлган.

Женнифер Лоуренс

Актриса болалигиданоқ шифокор бўлишни орзу қилган. Аммо у ўрта мактабда диққатини жамлай олмаслигидан қўрқиб, бу орзусидан воз кечган.

Кендалл Женнер

Кардашьян-Женнерларнинг кичик синглиси келажакда ҳайвонларга ёрдам беришни – ветеринар бўлишни орзу қилган. Яна бир орзуси профессионал чавандоз бўлиш эди. Аммо у охири моделга айланди.

Жорж Клуни

Актёр ўз ҳаётини бейсбол билан боғламоқчи бўлиб, кўп йиллар давомида шуғулланди ва ҳатто Sinsinnati Reds жамоаси аъзоси бўлишга ҳаракат қилди. Аммо кейин ҳаммаси ўзгариб кетди.

Майли Сайрус

Хонанда болалигида тўй ташкилотчиси бўлишни хоҳлаган. Албатта, у ўз вазифасини ажойиб тарзда уддалаган бўлар эди, чунки Майли байрамларни ва кутилмаган ҳодисаларни яхши кўради.

Риз Уизерспун

Актриса дастлаб болалар жарроҳи бўлишни орзу қилган. 2019 йилда берган интервьюсида у агар орзусини амалга оширганида ҳозиргидан ҳам бахтлироқ бўлишини айтиб ўтган эди.

Мэттью Макконахи

Актёр ҳуқуқшунос бўлишни хоҳлаган, ҳаттоки коллеж дипломига ҳам эга. Аммо кейинчалик Мэттью бу касбга бўлган қизиқишини йўқотди ва танлаган бошқа соҳасида муваффақиятга эришди.

Ева Лонгория

«Умидсиз уй бекалари» актрисаси физиотерапевт бўлишни режалаштирган ва ҳатто ўқиш учун Техасга ҳам борган. Аммо кейин у ҳамма нарсани ташлаб, фильмларда роль ўйнашни бошлаб юборган.