Instagram: Туғилган кунида онасини йиғлатган Азода, касбини ўзгартирган Муниса Ризаева, Шаҳзода Муҳаммедова сериалларда нега кўринмаяпти?

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Озодбек Назарбеков бошчилигидаги маданият вазирлиги жамоаси эндиликда иш кунлари дўппида юради. Маданият вазири бошқа ташкилотларни ҳам ушбу миллий қадриятни ҳаётга қайтаришга чақирди.

Равшан Комилов жажжи невараси билан тушган суратини саҳифасига жойлади.

Зиёда мухлисларига янги қўшиғини тақдим этиш арафасида турибди. Қўшиқ «У мени деб» дея номланади.

Хонанда Лоланинг фикрича, ушбу бош кийими Ўзбекистон маданият вазирлигига унчалик маъқул келмаган бўларди.

Муниса Ризаева ўз боғчасида болаларга вокал ва инглиз тилидан дарс бермоқда.

Рихситилла Абдуллаев кечки овқатга онаси томонидан тайёрланган манти сурати билан бўлишди.

Шаҳзода Муҳаммедова ҳозирги кунда ишланаётган сериалларда суратга тушмаётгани сабаби ҳақида гапирди. Унинг айтишича, бунга қизи Милананинг ҳали кичкина экани, сериал съёмкаси эса жуда узоқ вақт давом этиши сабаб бўлмоқда.

Шаҳзода собиқ маъмури Даврон Муқимовни туғилган куни билан табриклади.

Шаҳло Зоирова Зиёдани йўлда учратиб қолди ҳамда унга келин саломда тушган кўрпалардан бирини совға қилди.

Актриса Баҳора Арслонова иккинчи марта она бўлади.

Блогер ва вайнер Азода онасига туғилган куни муносабати билан ажойиб сюрприз тайёрлади. «Ўзбекистон» меҳмонхонаси ташқарисидаги катта экранда Азоданинг онаси суратлари намойиш этилди. Меҳмонхона олдига қизил гилам тўшалди. Ресторанда эса Малика Равшанова вайнернинг онасига атаб «Бу менинг онам» қўшиғини куйлаб берди.