Disney+ kompaniyasi “Uyda yolg‘iz” kinofranshizasining Home, sweet home alone nomli remeyki treyleri taqdim etilgandi. Original filmdagi bosh rol ijrochisi Makoley Kalkin o‘zining ushbu kartinada rol ijro etishi mumkinligi to‘g‘risidagi xabarlarga javob qaytardi, deb yozadi PeopleTalk.
Foto: Gamerscore
Ko‘plab muxlislar bosh qahramon — Makoley Kalkinning kartinada paydo bo‘lishini kutmoqda, shu sababli uning o‘zi Yangi yil franshizasi ixlosmandlarining savollariga javob berdi. Aktyor Twitter’dagi sahifasi orqali Kevin Makkalister roliga qaytmasligini aytgan.
“Salom. Bu savolni ko‘p berishayotgani uchun shunchaki ogohlantirib qo‘ymoqchiman. Men ‘Uyda yolg‘iz’ning remeykida ishtirok etmayapman. Barchaga omad tilayman”, — deb yozadi Kalkin.
Ma’lumotlarga ko‘ra, xuddi original lentadagi kabi bosh qahramon Makoley Kalkinning ota-onasi uni Rojdestvo bayramida uyida unutib qoldiradi. Uning rolini “Jojo laqabli quyon” filmi bilan tanilgan 13 yoshli Archi Yeyts ijro etadi.
Eslatib o‘tamiz, 2020-yilning noyabrida rejissor Kris Kolambus Insider’ga bergan intervyusi davomida hozirda Disney+ uchun qayta yaratilayotgan “Uyda yolg‘iz” komediyasining remeykini muhokama qilgandi. Rejissor yangi versiya nimaga kerakligini umuman tushunmasligini va bundan “baribir yaxshi narsa chiqmasligini” aytgan.
