Yangi yilni “Uyda yolg‘iz” filmisiz tasavvur qilib bo‘lmaydi. Bayram film suratga tushirilgan uyda kutib olinsa, yana yaxshi. Endi buning imkoni bor. Sal avvalroq “Uyda yolg‘iz” filmidagi Makkalisterlarning uyi ijaraga berilayotgani haqida e’lon berilgan. O‘tgan hafta “Guchchi uyi” filmi suratga olingan Balbiano villasini bir sutkaga ijaraga olish mumkinligi ma’lum bo‘lgandi. Keyinroq esa “Uyda yolg‘iz” muxlislari Makkalisterlarning uyida vaqt o‘tkazish mumkinligidan xabar topgan.
Mavsumni Makkalisterlar uslubida kutib oling. Tarixda birinchi marta shumtakalarning bir jamoasi “Uyda yolg‘iz” hikoyasi boshlangan uyda bayramni nishonlashi mumkin. Makkalisterlar ta’tilga ketgan vaqtda Bazz tunni o‘z bolaligi o‘tgan uyda o‘tkazadi”, — deyilgan Kevinning katta akasi Bazz tomonidan yozilgan e’londa.
Bunday maxsus taklifga Rojdestvoga uch hafta vaqt qolgani va sal avvalroq “Uyda yolg‘iz”ning oltinchi qismi “Home Sweet Home Alone” ekran yuzini ko‘rgani sabab bo‘lishi mumkin. Den Meyzer rejissorlik qilgan filmda Elli Kemper, Rob Dileyni va Archi Yeyts bosh qahramon rolini ijro qilgan. Biroq film tanqid ostida qolgan. E’londa Chikagodagi Amerikaga xos klassik xonadonda 4 kishi vaqt o‘tkazishi mumkin ekani aytilgan. Ularga Bazz Makkalisterni gavdalantirgan Devin Retrey hamrohlik qiladi. 2021-yil bahorda ilk bor ota bo‘lgan Kevin ijrochisi Makoley Kalkin esa loyihada ishtirok etmaslikka qaror qilgan.
Ijaradan tushgan mablag‘ni La Rabida shifoxonasi uchun sarflash mo‘ljallangan. 7-dekabrdan 25 dollarga band qilish mumkin bo‘lgan uy aslida qanday ko‘rinishga ega? Quyidagi fotolar orqali ushbu savolga javob beramiz.
Izoh (0)