Бaғдодда ҳаммаёқ тинч: «Оловуддиннинг сеҳрли чироғи» фильмидаги бош қаҳрамонлар бугун қандай кўринишда? (фото)

Совет Иттифоқининг ўз Ромео ва Жулеттаси – «Оловуддиннинг сеҳрли чироғи» эртак-фильмининг бош қаҳрамонларини ўйнаган ёш актёрлар ўша давр ўсмирларининг меҳрини қозонган. Фильм Қримда суратга олинган.

Додо Чоговадзе

Додо 1951 йилда Тбилисида туғилган. Унинг отаси грузин, онаси рус эди. Қиз хореография мактабида ўқиб юрган кезларда киностудиядан у ерга тез-тез ёш актрисаларни топиш учун режиссёрлар ташриф буюрган. Бир куни улар 10 ёшида «Кичкина рицар» фильмида дебют қилган Додони таниб қолади. Режиссёр Станислав Ростотский қизни «Замонамиз қаҳрамони» фильмидаги Белла роли учун танлаб олмоқчи бўлган, аммо у атиги 13 ёшда эди, шунинг учун улар ролни бошқа актрисага беришга мажбур бўлган.

Кейинчалик Додони картотека орасидан «Оловуддиннинг сеҳрли чироғи» эртак фильмидаги малика Будур ролига танлашганда, онаси Додога ёшини бироз қўшиб айтишни таклиф қилган. Ўша пайтда қиз 14 ёшда эди, лекин у 15 ёш деб алдайди. Ёлғон айнан унинг туғилган кунида фош бўлган. Додога косметика воситалари, баланд пошнали туфлилар совға қилинган, бутун суратга олиш гуруҳи уни 16 ёшга тўлиши билан табриклаган, қиз эса йиғлаб юборган ва қочиб кетган. Уни Султон ролини ижро этган актёр Отар Коберидзе излаб борганида, у тўғрисини айтмаганини тан олган, бу унинг байрамига ташриф буюрган барча меҳмонларни ҳайратга солган.

Шуингдек, Додо суратга олиш майдончасида биринчи муҳаббатини учратган. Ўшанда бутун мамлакат Оловуддин ролини ижро этган актёрга ошиқ бўлса-да, қиз уни эмас, балки оператор Костя Загорскийни севиб қолган.

Фильм мамлакатда 1967 йилда чиқарилган ва катта муваффақиятга эришган. Фильм режиссёри Борис Рицарев ва барча актёрлар машҳурликка эришган. Ёш актриса учун «Кичик сув париси» ва «Аэлита» фильмларининг сценарийлари ёзилади, режиссёр эса Борис Рицарев бўлиши керак эди. Аммо у сиёсий сабабларга кўра судга тортилган, маълум муддатга қамалган. Бир неча йил давомида ёш актриса ҳам унутилган. Унинг фильмографиясида яна битта – «Осмонда тунги жодугарлар » фильми бор.

23 ёшида Додо тбилисилик мусиқачи Давид Шушанин билан турмуш қурган. Уларнинг Нино исмли қизи бўлса-да, эр-хотин ажрашишга қарор қилган. Нино Тбилиси консерваториясининг психология бўлимини иккинчи мутахассислик бўйича тамомлаган. Улар Додо онаси ва дадаси билан Тбилиси марказидаги эски квартирада бирга яшайди. Додо Тбилиси театр университетининг рақс профессори. Маош кам бўлгани учун Додо хусусий дарслар, рекламаларда суратга тушиш орқали қўшимча пул ишлайди.

Борис Бистров

Борис 1945 йилда Москвада туғилган. У 10 ёшга тўлганида ота-онаси ажрашиб кетган, бола отаси билан қолган, чунки онасининг уни олиб кетадиган жойи йўқ эди. Кейинчалик она ва ўғил ўртасидаги муносабатлар яхшиланди.

Борис 1966 йилда Москва бадиий театр мактабини тамомлаган, кейин Ленком театрида хизмат қилган. 1968 йилдан Ермолова номидаги Москва драма театрининг актёри сифатида фаолият юритган.

Унинг кинодаги биринчи роли Оловуддин эди. Машҳурлик келишган актёрга ёш бўлишига қарамай насиб этди, шунинг учун у спиртли ичимликларга ружу қўйди. Унинг сўзларига кўра, аввалига мухлисларни рад эта олмагани учун ичган, кейин мухлислар ғойиб бўлгани учун ичган. Борис ўсиб улғайди, етук бўлди, кексайди, ташқи кўринишида Оловуддин қиёфасидан асар ҳам қолмаган. Актёр кинода бошқа ролларни ўйнади, аммо томошабинлар фақат уни фақат Оловуддин образида эслайди.

Борис Бистров кўплаб фильмларга овоз берган. У Леонид Книтнинг қизи актриса Иннага уйланган. У «Чапаев» фильмидаги Петка роли билан машҳур. Уларнинг қизи Кетрин туғилгач, орадан 10 йил ўтиб, никоҳ бузилган. Иннанинг юраги касал бўлгани учун ҳам эрта вафот этди. 16 ёшгача Кетрин отасининг фамилиясини олди, кейин онасининг фамилиясини олди. У ҳам актриса бўлиб, бир қанча фильмларда роль ўйнаган.

Иккинчи никоҳ ҳам жуда қисқа бўлди. Унинг рафиқаси Татяна Лейбел таниқли балерина ва раққоса оиласини ташлаб, Канадага кўчиб кетган. Учинчи хотини Ирина Савина ҳам актриса бўлиб, жуфтлик театрда учрашган. Ирина «Москва—Кассиопия» ва «Коинотдаги ўсмирлар» фильмлари билан танилган. Улар кейинчалик ўғил фарзанд кўрди ва унга Николай деб исм берди.

Сарри Кариев

Жин ролини ижро этган туркманистонлик актёр Сарри Кариев 1906 йилда туғилган. Иккинчи жаҳон уруши йилларида у кўнгиллилар сафида фронтга кетган. Сталинград учун жангларда яраланган. У чиндан ҳам жанговар Жин бўлган. Умуман олганда, у 20 дан ортиқ фильмларда роль ўйнаган.