Shavkat Mirziyoyev va Qosim Jo‘mart-To‘qayev ikki tomonlama hamkorlikning muhim vazifalarini belgilab olgani to‘g‘risida xabar berilgandi. O‘zbekiston va Qozog‘iston rasmiy delegatsiyalari ishtirokida o‘tkazilgan yig‘ilishda Nur-Sulton shahrida Alisher Navoiyning haykali o‘rnatilishi ma’lum qilindi.
Shavkat Mirziyoyevning Qozog‘istonga tashrifi davomida tomonlar o‘zaro gumanitar almashinuvlarni kengaytirish, ta’lim, fan, sog‘liqni saqlash, madaniyat va san’at, turizm va sport sohalaridagi hamkorlikni mustahkamlash masalalarini ham muhokama qilgan.
Qozog‘iston prezidenti o‘zbek va qozoq xalqining ma’naviy yaqinligi va ko‘p asrlik do‘stligi ramzi sifatida Nur-Sulton shahrida Alisher Navoiy haykali o‘rnatilishini ma’lum qilgan.
Eslatib o‘tamiz, 2017-yilda Xitoydagi Shanxay universitetining markaziy maydoniga Alisher Navoiy haykali o‘rnatilgan, 2018-yilda Dushanbe shahrida Alisher Navoiy va Abdurahmon Jomiy haykali ochilgan, 2019-yilda Minskda Alisher Navoiy haykali o‘rnatilgan edi.
Izoh (0)