Печда товуқ филеси, қўзиқорин ва пишлоқдан тайёрланадиган мазали таом рецепти

Товуқ гўшти, қўзиқорин, пиёз ҳамда эритилган пишлоқ – тушлик учун ажойиб танлов.

Керакли маҳсулотлар:

• қўзиқорин – 250-300 грамм;
• пиёз – 1 дона;
• ўсимлик ёғи – 1 ош қошиқ;
• сметана – 3-4 ош қошиқ;
• товуқ филеси – 3 дона;
• пишлоқ – 150-200 грамм;
• туз ва зираворлар.

1. Қўзиқорин ва пиёз майда тўғралади.
2. Товага ўсимлик ёғи қуйилиб, дастлаб қўзиқорин қовурилади.
3. Устидан пиёз солиниб, 3-4 дақиқа давомида пиширилади.
4. Туз ва зираворлар қўшилгач, сметана солинади ва совутишга қўйилади.
5. Товуқ филеси узунлиги бўйлаб кесилади, туз ва зираворлар сепилиб, яхшилаб урилади.
6. Идишга дастлаб филелар, устидан қўзиқоринли аралашма солинади. Устидан қирғичдан ўтказилган пишлоқ сепилади.
7. Таом 180 даража печда тахминан 25-30 дақиқа давомида пиширилади.