Ичи қўзиқорин билан тўлдирилган картошкали таом рецепти

Қўзиқорин, пишлоқ ҳамда картошка уйғунлигидаги ажойиб таъмдан баҳараманд бўлинг.

Керакли маҳсулотлар:

• картошка – 6-7 дона;
• қўзиқорин – 400 грамм;
• пиёз – 1 дона;
• ўсимлик ёғи – 2 ош қошиқ;
• сметана – 3-4 ош қошиқ;
• пишлоқ – 150 грамм;
• туз ва зираворлар.

1. Қўзиқорин ва пиёз майда тўртбурчак шаклида тўғралади.
2. Товага ўсимлик ёғи қуйилиб, пиёз 2-3 дақиқа қовурилади. Қўзиқорин солиниб, 5-6 дақиқа давомида пиширилади.
3. Аралашма совигач, сметана, туз ва зираворлар қўшилади.
4. Картошка қайнатиб олинади, икки қисмга бўлиниб, ичи ўйиб олинади.
5. Қайиқча шаклидаги картошкалар ичига аралашма солинади ва устидан қирғичдан ўтказилган пишлоқ сепилади.
6. 190 даража печга 15-20 дақиқага қўйилади.