Президент Шавкат Мирзиёев раислигида ипотека ва қурилиш материаллари мавзусидаги видеоселектор йиғилишида уй-жойлар қуриладиган массивлар рўйхати апрель ойида тасдиқланган бўлса-да, ер участкалари ўз вақтида аукционга чиқарилмагани боис Тошкент вилоятида – 2,7 минг, Қорақалпоғистон, Қашқадарё ва Хоразмда – 1,5 минг хонадонли уй-жойлар қурилиши бошланмагани айтилди.
Оқибатда, бюджетдан мақсадли кредитлар учун ажратилган 4,5 триллион сўм маблағ (50 фоиз) ўзлаштирилмасдан турган.
«Тошкент шаҳрида – 793 миллиард сўм (64 фоиз), Қашқадарёда – 204 миллиард сўм (66 фоиз), Тошкент вилоятида – 120 миллиард сўм (82 фоиз), Қорақалпоғистонда – 119 миллиард сўм (60 фоиз) маблағ ўзлаштирилмай турибди.
Шунингдек, вилоят ҳокимлари ва уларнинг қурилиш бўйича ўринбосарлари уй-жой қурилиши учун пудратчи танлашда 2-3 та ташкилот билан чекланмоқда» – дея таъкидлади давлат раҳбари.
Бундан аввал Ўзбекистоннинг ҳар бир ҳудудида уй-жой қурилиш кластерлари ташкил этилиши ҳақида хабар берилганди.
Изоҳ (0)