Ўзбекистон терма жамоаси январь ойида Япония билан ўртоқлик учрашувини ўтказади. Бу ҳақда ЎФА матбуот хизмати маълум қилди.
2022 йилнинг 21 январь санасида Ўзбекистон Япония билан ўртоқлик ўйинида майдонга тушади. Мазкур учрашув Токионинг «Саитама» стадионида бўлиб ўтиши режалаштирилган.
Февраль ойида эса Сречко Катанец шогирдлари Янги Зеландияга қарши баҳс олиб боради. Ўйин 1 февраль куни БААда ўтказилади.
Қайд этиш жоиз, Ўзбекистон миллий терма жамоаси сентябрь ойида Швецияга қарши ўртоқлик ўйини ўтказиб, 1:2 ҳисобида мағлуб бўлганди. Октябрь ойидаги ўртоқлик учрашувларида Малайзия (5:1) устидан ғалаба қозониб, Иорданияга қарши ўйинда (0:3) енгилганди. Ноябрь ойида эса Грузияга кичик ҳисобда (0:1) мағлуб бўлди.
Изоҳ (0)