Футбол бўйича Англия Премьер Лигасининг 13-туридан ўрин олган бир қатор учрашувлар 28 ноябрь, якшанба куни бўлиб ўтди.
«Манчестер Сити» ўз уйида «Вест Ҳэм»ни қабул қилди. Учрашувнинг 33-дақиқасида Илкай Гундўған «шаҳарликлар»ни олдинга олиб чиқди. Иккинчи бўлимнинг сўнгги дақиқаларида Фернандиньо орадаги фарқни оширган бўлса, ҳакам томонидан қўшиб берилган вақтнинг охирига бориб, Мануэль Лансини супер гол билан ўйинга якуний нуқтани қўйди — 2:1.
Мазкур ғалабадан кейин Пеп Гвардиола шогирдларининг очколари 29 тага етди ва жамоа 2-ўринга кўтарилди. «Вест Ҳэм» 23 очко билан тўртинчи поғонадан жой олган.
Параллел кечган баҳсларда «Лестер» ўзида «Уотфорд»ни 4:2 ҳисобида мағлуб этган бўлса, «Эвертон» сафарда «Брентфорд»га ютқазиб қўйди.
«Бёрнли» — «Тоттенҳэм» учрашуви эса ноқулай об-ҳаво туфайли номаълум муддатга қолдирилди.
АПЛ
13-тур баҳслари
28 ноябрь, якшанба
«Манчестер Сити» — «Вест Ҳэм» 2:1
Голлар: 1:0 – 33 Гундўған, 2:0 – 90 Фернандиньо, 2:1 – 90+4 Лансини.«Манчестер Сити»: Эдерсон, Уокер, Ляпорт, Рубен Диаш, Жоау Канселу, Гундўған, Бернарду Сильва, Родри, Стерлинг (Фернандиньо, 87), Маҳрез, Габриэль Жезус.
«Вест Ҳэм»: Фабианьски, Жонсон, Доусон, Зума, Крессуэлл (Соуфал, 61), Масуаку (Боуэн, 74), Соучек, Райс, Форнальс, Антонио, Бенраҳма (Лансини, 59).
Огоҳлантиришлар: Ляпорт (29), Жоау Канселу (61).
Изоҳ (0)