Ўзбекистоннинг меҳнат муносабатлари ва меҳнат миграцияси соҳаларидаги хорижий давлатлар ва ташкилотлар билан мавжуд ҳамкорлиги доирасида доимий равишда иш олиб борилмоқда. Хусусан, меҳнат миграцияси гwеографиясини кенгайтириш мақсадида Канада, Франция, Латвия, Финляндия, Исроил, Болгария, Греция, Италия, Баҳрайн, Бельгия, Қатар, Қозоғистон, Кувайт, Малайзия, Озарбайжон, Саудия Арабистони, Польша, Сингапур каби давлатлар билан ҳукуматлараро ва идоралараро битим имзолаш имкониятлари кўриб чиқилди. Қуйида — шулар ҳақида батафсил.
Баҳрайн билан ҳамкорлик
«Ўзбекистон билан Баҳрайн ўртасида Баҳрайн ҳудудидаги Ўзбекистон фуқароси бўлган меҳнат мигрантлари ва Ўзбекистон ҳудудидаги Баҳрайн фуқароси бўлган меҳнат мигрантларининг ҳуқуқ ва манфаатларини ҳимоя қилиш тўғрисидаги битим лойиҳаси ишлаб чиқилган. Мазкур ҳужжат лойиҳаси Ўзбекистоннинг тегишли вазирлик ва идоралари таклифлари асосидан кўриб чиқилиб, Вазирлар Маҳкамаси томонидан лойиҳани Баҳрайн томони билан биргаликда ишлаб чиқиш бўйича топшириқ берилган. Ҳозирда битим лойиҳаси Баҳрайннинг маъсул идоралари томонидан кўриб чиқилмоқда.Бельгия билан ҳамкорлик
Таъкидланишича, Ўзбекистон Бандлик ва меҳнат муносабатлари вазирлиги билан Бельгия Бандлик, меҳнат ва ижтимоий мулоқот федерал давлат хизмати ўртасида ҳамкорлик тўғрисидаги меморандум лойиҳаси ишлаб чиқилган. Мазкур ҳужжат лойиҳаси бўйича Ўзбекистоннинг тегишли вазирлик ва идоралари таклифлари асосидан кўриб чиқилиб, Вазирлар Маҳкамасининг лойиҳани хорижий томон билан биргаликда ишлаб чиқиш бўйича топшириғи олинган. Ҳозирда ҳужжат лойиҳаси Бельгиянинг маъсул идоралари томонидан кўриб чиқилмоқда.Болгария билан ҳамкорлик
Ўзбекистон ва Болгария ўртасида меҳнат миграциясини тартибга солиш доирасидаги битим лойиҳаси ишлаб чиқилган бўлиб, у Ўзбекистоннинг тегишли вазирлик ва идоралари таклифлари асосида кўриб чиқилган. Битим лойиҳаси юзасидан Болгария томони билан ўтказилган музокаралар натижасида, Болгария мазкур лойиҳани 2021 йилги парламент сайловлари ва янги ҳукумат шаклланганидан сўнг кўриб чиқиш мақсадга мувофиқлигини билдирди.Греция билан ҳамкорлик
Ушбу мамлакат билан боғлиқ иккита — Ўзбекистон билан Греция ўртасида Грециядаги Ўзбекистон фуқароси бўлган меҳнат мигрантлари ва Ўзбекистон ҳудудидаги Греция фуқароси бўлган меҳнат мигрантларининг ҳуқуқ ва манфаатларини ҳимоя қилиш тўғрисидаги битим ҳамда Ўзбекистон Бандлик ва меҳнат муносабатлари вазирлиги билан Греция Меҳнат ва ижтимоий масалалар вазирлиги ўртасида меҳнат миграцияси соҳасида ҳамкорлик битими лойиҳалари ишлаб чиқилган. Вазирлар Маҳкамаси ҳар иккала битим лойиҳасини Греция томонига кўриб чиқиш учун юбориш ҳамда имзолаш чораларини кўриш топшириғини берган. Ҳозирда ҳар иккала битим лойиҳаси Грециянинг маъсул идоралари томонидан кўриб чиқилмоқда.Италия билан ҳамкорлик
Ўзбекистон Бандлик ва меҳнат муносабатлари вазирлиги билан Италия Меҳнат ва ижтимоий сиёсат вазирлиги ўртасида меҳнат миграцияси соҳасида ҳамкорлик битими лойиҳаси ишлаб чиқилган. Ҳозирда битим лойиҳаси Италиянинг маъсул идоралари томонидан кўриб чиқилмоқда.Исроил билан ҳамкорлик
Ўзбекистон ҳукумати ва Исроил ҳукумати ўртасида Исроил меҳнат бозоридаги махсус секторларда ўзбекистонлик ишчиларни вақтинчалик иш билан таъминлаш тўғрисидаги битим лойиҳаси ишлаб чиқилган. Ҳужжатнинг якуний лойиҳасини хорижий томон билан бирга ишлаб чиқиш ва имзолаш чораларини кўриш топшириғи олинган. Ҳозирда мазкур битим лойиҳаси Исроилнинг маъсул идоралари томонидан кўриб чиқилмоқда.Ўзбекистон ва Исроилнинг ваколатли органлари ўртасида 2021 йил августда ташкил этилган видеоучрашувда юқорида зикр этилган битим лойиҳасини имзолаш ва Ўзбекистон фуқароларини Исроилда иш билан таъминлаш масалалари юзасидан музокаралар олиб борилган. Учрашув якунида ҳар икки томон вакиллари Исроилнинг ваколатли органлари вакилларидан ташкил топган делегациянинг Ўзбекистонга ташрифини ташкил этиш ва ташриф мобайнида битимни имзолашга, Ташқи меҳнат миграцияси агентлиги ва Исроил Аҳоли ва иммиграция хизмати (ПИБА) ўртасида ҳамкорлик алоқаларини ўрнатишга келишиб олган.
Канада билан ҳамкорлик
Ўзбекистон билан Канада ўртасида Ўзбекистон фуқароларини Канадада вақтинчалик меҳнат фаолиятини амалга ошириш учун уюшган ҳолда танлаб олиш тўғрисидаги битим лойиҳаси ишлаб чиқилган. Ҳужжатнинг якуний лойиҳасини Канада томони билан биргаликда ишлаб чиқиш ва имзолаш чораларини кўриш топшириғи берилган.Мазкур лойиҳа Канадага дипломатик каналлар орқали юборилгач, Канада томонидан турли важлар билан рад жавоблари олинган. Жумладан, Канада томони мазкур битим лойиҳасини пандемия билан боғлиқ ҳолат яхшиланганидан сўнг кўриб чиқишини билдирган.
Қатар билан ҳамкорлик
Қатар ҳукумати ва Ўзбекистон ҳукумати ўртасида Қатар ҳудудида ишчи кучи бандлигини тартибга солиш тўғрисида битим лойиҳаси ишлаб чиқилган. Ҳужжатнинг якуний лойиҳасини хорижий томон билан биргаликда ишлаб чиқиш ва имзолаш чораларини кўриш топшириғи олинган. Ҳозирда битим лойиҳаси Қатарнинг маъсул идоралари томонидан кўриб чиқилмоқда.Қозоғистон билан ҳамкорлик
Ўзбекистон ҳукумати ва Қозоғистон ҳукумати ўртасида Қозоғистон ҳудудида вақтинчалик меҳнат фаолиятини амалга ошириш учун Ўзбекистон фуқароларини ташкилий асосда қабул қилиш ва жалб этиш тўғрисидаги битим лойиҳаси ишлаб чиқилган. Мазкур ҳужжат лойиҳаси бўйича ички давлат процедуралари ўтказилган, Вазирлар Маҳкамасининг битим лойиҳасини Қозоғистон томони билан бирга ишлаб чиқиш топшириғи олинган. Ҳозирда, ҳужжат лойиҳаси Қозоғистоннинг масъул идоралари томонидан кўриб чиқилмоқда.Кувайт билан ҳамкорлик
Ўзбекистон ҳукумати ва Кувайт ҳукумати ўртасида Кувайт хусусий секторларига ишчи кучини ишга ёллаш соҳасида ўзаро англашув меморандуми лойиҳаси ишлаб чиқилган. Ҳужжатнинг якуний лойиҳасини Кувайт билан бирга ишлаб чиқиш ва имзолаш чораларини кўриш топшириғи олинган. Ҳозирда битим лойиҳаси Кувайтнинг маъсул идоралари томонидан кўриб чиқилмоқда.Латвия билан ҳамкорлик
Ўзбекистон ва Латвия ўртасида Латвияда вақтинчалик меҳнат фаолиятини амалга ошираётган Ўзбекистон фуқароларининг ҳуқуқларини ҳимоя қилиш ҳамда ташкилий асосда танлаб олиш ва ишга жойлаштириш тўғрисидаги битим лойиҳаси ишлаб чиқилган.Латвия томонидан мазкур битим лойиҳасини имзолаш Европа Иттифоқи директиваларига зид ҳисобланиши, шу билан бирга Латвия хусусий иш берувчилари билан ҳамкорликни йўлга қўйиш мақсадга мувофиқлиги маълум қилинган.
Малайзия билан ҳамкорлик
Ўзбекистон ва Малайзия ўртасида Малайзия ҳудудида вақтинчалик меҳнат фаолиятини амалга ошираётган Ўзбекистон фуқароларининг ҳуқуқларини ҳимоя қилиш ҳамда ташкилий асосда танлаб олиш ва ишга жойлаштириш тўғрисида битим лойиҳаси ишлаб чиқилган.Ҳужжатнинг якуний лойиҳасини хорижий томон билан биргаликда ишлаб чиқиш ва имзолаш чораларини кўриш топшириғи олинган. Ҳозирда битим лойиҳаси Малайзиянинг маъсул идоралари томонидан кўриб чиқилмоқда.
Озарбайжон билан ҳамкорлик
Ўзбекистон билан Озарбайжон ўртасида Озарбайжондаги Ўзбекистон фуқароси бўлган меҳнат мигрантлари ва Ўзбекистондаги Озарбайжон фуқароси бўлган меҳнат мигрантларининг ҳуқуқ ва манфаатларини ҳимоя қилиш тўғрисидаги битим лойиҳаси ишлаб чиқилган.Битим лойиҳасини хорижий томон билан биргаликда ишлаб чиқиш ҳамда имзолаш чораларини кўриш топшириғи олинган. Ҳозирда ҳужжат лойиҳаси Озарбайжоннинг масъул идоралари томонидан кўриб чиқилмоқда.
Польша билан ҳамкорлик
Ўзбекистон ва Польша ўртасида Польшада вақтинчалик меҳнат фаолиятини амалга ошираётган Ўзбекистон фуқароларининг ҳуқуқларини ҳимоя қилиш ҳамда ташкилий асосда танлаб олиш ва ишга жойлаштириш тўғрисидаги битим лойиҳаси ишлаб чиқилган эди, аммо ушбу ҳужжат лойиҳаси Польша томонидан турли важлар билан рад этилган.Саудия Арабистони билан ҳамкорлик
Ўзбекистон ва Саудия Арабистони ўртасида Уй хизматчиларини ёллаш тўғрисидаги битимҳамда Ишчиларни ёллаш тўғрисидаги битим лойиҳалари ишлаб чиқилган бўлиб, ҳозирда ҳар иккала лойиҳа Саудия Арабистонининг маъсул идоралари томонидан кўриб чиқилмоқда.Сингапур билан ҳамкорлик
Ўзбекистон Бандлик ва меҳнат муносабатлари вазирлиги билан Сингапур Меҳнат ресурслари вазирлиги ўртасида ўзаро ҳамкорлик меморандуми лойиҳаси ишлаб чиқилган. Ҳозирда меморандум лойиҳаси Сингапурнинг маъсул идоралари томонидан кўриб чиқилмоқда.Финляндия билан ҳамкорлик
Ўзбекистон ва Финляндия ўртасида Финляндияда вақтинчалик меҳнат фаолиятини амалга ошираётган ўзбекистонликларнинг ҳуқуқларини ҳимоя қилиш ҳамда ташкилий асосда танлаб олиш ва ишга жойлаштириш тўғрисидаги битим лойиҳаси ишлаб чиқилган эди. Финляндия томони Ўзбекистон таклиф қилган битимнинг аксарият бандлари Европа Иттифоқи қонунчилиги билан тартибга солингани боис ушбу йўналишда янги келишувларни ишлаб чиқишга эҳтиёж йўқлигини билдириб, таклифни рад этган. Айни вақтда, Финляндия томони мамлакат қонунчилигига мувофиқ, ушбу мамлакатдаги барча меҳнат муҳожирлари, жумладан, ўзбекистонликларнинг ҳам ҳуқуқлари давлат ҳимоясига олинганини маълум қилган.Франция билан ҳамкорлик
Ўзбекистон ва Франция ўртасида Францияда вақтинчалик меҳнат фаолиятини амалга ошираётган Ўзбекистон фуқароларининг ҳуқуқларини ҳимоя қилиш ҳамда ташкилий асосда танлаб олиш ва ишга жойлаштириш тўғрисида битим лойиҳаси ишлаб чиқилган эди. Лойиҳа бўйича Ўзбекистоннинг тегишли вазирлик ва идораларидан таклиф ва мулоҳазаларни тўплаш жараёнида, Франциянинг Европа ва ташқи ишлар вазирлиги томонидан мазкур битим лойиҳасини имзолаш имконияти йўқлиги тўғрисидаги нотаси олинди.Шунингдек, Туркия Бандлик агентлиги, Германия Миграция ва қочоқлар масалалари бўйича федерал идораси ва Словакия Меҳнат, ижтимоий ишлар ва оила вазирлиги билан ҳамкорлик меморандумларининг лойиҳалари ишлаб чиқилиб, келишиш учун Ташқи ишлар вазирлиги ва Вазирлар Маҳкамасига киритилган.
Изоҳ (0)