Футбол бўйича Европа Чемпионлар Лигасининг 5-туридан ўрин олган бир қатор учрашувлар 23 ноябрь, сешанба куни бўлиб ўтди.
«Манчестер Юнайтед» сафарда «Вильярреал» билан баҳс юритди. Учрашувнинг катта қисмида ҳисоб очилмади. Бироқ 78-дақиқага келиб, Криштиану Роналду яна «Манчестер Юнайтед» учун қутқарувчи ролини бажариб берди. Португалиялик ҳужумчи дарвозабоннинг хатосидан кейин тўпни дарвозабоннинг устидан ошириб, ҳисобни очди. 90-дақиқада эса Жейдон Санчо «қизиллар»га ишончли ғалабани тақдим этган голга муаллифлик қилди.
«Бавария» ҳам тур доирасида сафарда ўйин ўтказди. Мюнхен клуби Роберт Левандовски ва Кингсли Команнинг голлари эвазига «Динамо К»ни енгди.
Ушбу ғалабадан кейин «Манчестер Юнайтед» 10 очко билан F гуруҳида 1-ўринда бормоқда, жамоа шу тариқа плей-офф йўлланмасини нақд қилди. Бу манчестерликлар учун Оле-Гуннар Сульшернинг истеъфосидан кейинги илк ўйин бўлди. «Бавария» эса 15 очко билан E гуруҳида пешқадамлик қилмоқда.
ЕЧЛ
5-тур баҳслари
23 ноябрь, сешанба
«Вильярреал» Испания – «Манчестер Юнайтед» Англия 0:2
Гол: 0:1 – 78 Роналду, 0:2 — 90 Санчо.«Вильярреал» – Рули, Фойт, Альбиоль, Пау Торрес, Эступиньян (Раба, 79), Пино (Чуквуэзе, 73), Мойсес Гомес (Диа, 85), Капу, Парехо, Тригерос (Морено, 73), Данжума.
«Манчестер Юнайтед» – Де Хеа, Уан-Биссака, Магуайр, Линдельоф, Теллес, Матич, Фред, ван де Бек (Бруну Фернандеш, 66), Мактоминей, Санчо, Роналду, Марсьяль (Рэшфорд, 66).
Огоҳлантиришлар: Пино (33), ван де Бек (41).
«Динамо К» Украина – «Бавария» Германия 1:2
Голлар: 0:1 – 14 Левандовски, 0:2 – 42 Коман, 1:2 – 70 Гармаш.«Динамо К» – Бушан, Кендзера (Караваев, 76), Сирота, Забарний, Миколенко, Сидорчук, Буяльский, де Пена (Гармаш, 46), Циганков, Шапаренко, Шкурин (Витино, 46).
«Бавария» – Нойер, Павар, Эрнандес (Сарр, 46), Нянзу (Тиллман, 85), Дэвис, Горетцка, Толиссо, Мюллер, Левандовски, Коман (Рока, 67), Сане (Ричардс, 88).
Изоҳ (0)