Футбол бўйича Ўзбекистон Кубогининг ярим финали доирасида «ОКМК» ва «Насаф» жамоалари 24 ноябрь, чоршанба куни ўзаро тўқнаш келди.
Олмалиқда бўлиб ўтган ўйиннинг асосий бўлимларида ҳисоб очилмади. 60-дақиқада қаршиликлар футболчиси Марко Станоевич Йован Жокичга нисбатан қўполлик ишлатди ва майдондан четлатилди. Қолган дақиқаларда «Насаф» бир киши кам бўлиб ҳаракатланди.
Асосий бўлимларда ҳисоб очилмагач, қўшимча бўлимларга навбат берилди. 94-дақиқада Алибек Давронов қаршиликларнинг учрашувдаги биринчи голни урди. Андрия Калужерович қўшимча бўлимларнинг сўнгида пенальтидан унумли фойдаланди ва қаршиликларнинг иккинчи голи муаллифига айланди. Шу тариқа «Насаф» 2021 йилги Ўзбекистон Кубогининг дастлабки финалчисига айланди.
Иккинчи ярим финал ўйини «Пахтакор» ва «Бунёдкор» жамоалари ўртасида бўлиб ўтади.
Ўзбекистон Кубоги
Ярим финал баҳси
24 ноябрь, чоршанба
«ОКМК» — «Насаф» 0:2
Голлар: 0:1 – 94 Алибек Давронов, 0:2 – 120+6 Андрия Калудерович (пенальти).«ОКМК»: 35. Валижон Раҳимов, 20. Мирғиёс Сулаймонов (77. Дилшод Аҳмадалиев, 62). 8. Бобур Йўлдошев, 7. Сардор Раҳмонов, 2. Акром Комилов (11. Мурод Тошматов, 83), 23. Йован Жокич (22. Санжар Шоаҳмедов, 74), 17. Санжар Турсунов, 4. Миржамол Қосимов ( 9. Зафар Полвонов, 83), 28.Шоҳруҳ Гадоев, 18. Александр Касян (27.Мартин Боаке, 62) 10. Ҳусниддин Ғофуров.
«Насаф»: 1. Умид Эргашев, 8. Дилшод Саитов (15. Жўрабек Маннонов, 106), 5. Ғолиб Ғайбуллаев, 92. Умар Эшмуродов, 34. Шерзод Насруллаев, 22. Акмал Мозговой, 88. Марко Станоевич, 20. Суҳроб Нуруллоев (2. Алибек Давронов, 85), 18. Баҳром Абдураҳимов (70. Абубакр-Ризо Турдиалиев, 75), 77. Ойбек Бозоров (50.Шоҳмалик Комилов, 90), 19.Ҳусайн Норчаев (99.Андрия Калужерович, 90).
Огоҳлантиришлар: Жокич (12), Сулаймонов (22), Абдураҳимов (31), Комилов (36), Ғайбуллаев (45+1), Гадоев (101), Раҳимов (118).
Четлатиш: Станоевич (60).
Изоҳ (0)