Ҳукумат қарори билан Адлия вазирлиги ҳузуридаги Х.Сулаймонова номидаги Республика Суд-экспертиза марказининг Суд-экспертлик илмий-тадқиқот институти фаолияти ташкил этилди. Бу ҳақда Telegram’даги «Ҳуқуқий ахборот» канали хабар берди.
Маълум қилинишича, институт суд-экспертиза соҳасида илмий-тадқиқот ишларини олиб боради ва экспертиза муассасаларига кўмак беради. Шунингдек, институт томонидан очилмаган жиноятларни тадқиқ этиш мақсадида статистик маълумотлар йиғилади.
Давлат ва нодавлат экспертиза ташкилотларининг услубиётларининг илмий жиҳатдан асосланганини кўриб чиқиш ва хулоса бериш институт томонидан амалга оширилади.
Институт директори Адлия вазири томонидан тайинланади ва озод қилинади.
Аввалроқ Самарқанд боғчаларида 2021 йилнинг 8 ойида талон-торож қилиш, порахўрлик ва фирибгарлик бўйича 24 та ҳолат аниқлангани, Ўзбекистонда 2,5 йил ичида транспорт ташкилотларининг 375 нафар ходими жиноий жавобгарликка тортилгани, Ўзбекистонда жиноий жавобгарликка тортишнинг энг кам ёшини 13 ёшдан 14 ёшга ошириш режалаштирилаётгани тўғрисида хабар берилганди.
Изоҳ (0)