Hukumat qarori bilan Adliya vazirligi huzuridagi X.Sulaymonova nomidagi Respublika Sud-ekspertiza markazining Sud-ekspertlik ilmiy-tadqiqot instituti faoliyati tashkil etildi. Bu haqda Telegram’dagi “Huquqiy axborot” kanali xabar berdi.
Ma’lum qilinishicha, institut sud-ekspertiza sohasida ilmiy-tadqiqot ishlarini olib boradi va ekspertiza muassasalariga ko‘mak beradi. Shuningdek, institut tomonidan ochilmagan jinoyatlarni tadqiq etish maqsadida statistik ma’lumotlar yig‘iladi.
Davlat va nodavlat ekspertiza tashkilotlarining uslubiyotlarining ilmiy jihatdan asoslanganini ko‘rib chiqish va xulosa berish institut tomonidan amalga oshiriladi.
Institut direktori Adliya vaziri tomonidan tayinlanadi va ozod qilinadi.
Avvalroq Samarqand bog‘chalarida 2021-yilning 8 oyida talon-toroj qilish, poraxo‘rlik va firibgarlik bo‘yicha 24 ta holat aniqlangani, O‘zbekistonda 2,5 yil ichida transport tashkilotlarining 375 nafar xodimi jinoiy javobgarlikka tortilgani, O‘zbekistonda jinoiy javobgarlikka tortishning eng kam yoshini 13 yoshdan 14 yoshga oshirish rejalashtirilayotgani to‘g‘risida xabar berilgandi.
Izoh (0)