Қишки қалин ва қулай кийимлардан иборат образ ўзига хос бўлиши мумкин эмас, деб ўйлаганлар янглишади. Дид ва трендлардан келиб чиқиб танлов қилинса, исталган кўриниш ҳам кўнгилдагидек бўлиши мумкин.
Тошли шапка
Сал аввалроқ тошли шапкалар трендда бўлган, аммо ҳозир бу каби бош кийимда юриш дидсизликдан далолат беради. Бундан ташқари, ҳамма кийимга мос келавермаслиги сабаб ҳам бошқа вариантларга эътибор қаратиш тавсия қилинади. Бунинг ўрнига безаклари йўқ, оддий моделларга эътибор қаратиш тавсия қилинади.
Олд қисми қайрилмайдиган шапка
Иложи борича олд қисми қайрилмайдиган шапкаларга эътибор қаратманг. Гап шундаки, бундай вариантдаги бош кийимлар ҳаммага ҳам ярашавермайди, вақт ўтиши билан чўзилиб кетади. Бунинг ўрнига қалин панама ва береткаларни харид қилинг. Қайриладиган қисми бўлмагани билан, бундай шапкалар минг марта чиройли туради.
Спорт услубидаги шапка
Моданинг ўзгариши билан спорт услубидаги кийимлар кундалик образ учун айни муддао бўлиб бормоқда. Аммо бундай аксессуарни ҳордиқ чиқариш учун бориладиган ерларгагина кийиш тавсия қилинади. Яхшиси, уни бошқа моделларга алмаштириш тавсия қилинади. Қалин ва замонавий шапкалар билан образингиз ўзига хос кўринади.
Юпқа трикотаждан тикилган шапка
Юпқа трикотаж матосидан тикилган, ва айниқса, узун шапка ўтган ўн йилликка хос тренд ҳисобланади. Мультфильмдаги гномларга ўхшаб қолишни истамасангиз, ушбу аксессуарни гардеробдан олиб ташланг. Унинг ўрнига ўртача қалинликда тўқилган шапкаларга эътибор қаратиш тавсия қилинади. Агар юпқа мато ёқадиган бўлса, яхшиси, айни вақтда урфда бўлган рўмоллар билан образ яратинг.
Катта ёзуви бор шапкалар
Катта ёзуви ва логотипи бор бош кийимлари мазкур мавсумда долзарб эмаслиги сабаб ҳам улардан воз кечиш тавсия қилинади. Агар ҳеч нимасиз шапкалар ёқмаса, принтли панама ва кепкаларга эътибор қаратинг.
Попукли шапка
Попукли шапкалар билан бу мавсумда образ яратиш тавсия қилинмайди. Бунинг ўрнига бошқа моделларга эътибор қаратинг. Мода ихлосмандларига квадрат шаклдаги шапкалар ёки панамалар сотиб олиш маслаҳат берилади.
Шакли саллани эсга солувчи шапка
Шакли саллани эсга соладиган шапкалар ушбу мавсумда долзарб эмас. Ҳатто турк сериалларининг мухлиси бўлган тақдирингизда ҳам, бундай вариантларни кичкина сингил ёки жиянларингизга бериб юбориш маслаҳат берилади. Бунинг ўрнига шляпа ёки қалин матодан тикилган ўзига хос бош кийимларига эътибор қаратган яхши.
Неон рангли шапкалар
Ёз фаслида неон рангли аксессуарлар урфда бўлди, аммо куз-қиш мавсумида ушбу тренд бирданига ўзгарди. Ҳаммага ярашавермайдиган бу рангдаги шапка бошқа образларга мос тушмаслиги ҳам мумкин. Яхшиси, пальто ва куртка рангига номутаносиб бош кийими танланг. Қора пальтога оқ шапка ёки аксинча. Бу ноодатий, ва шу билан бирга, ўзига хос кўринишга ёрдам беради.
Изоҳ (0)