«Ўзгидромет» дам олиш кунлари ёғингарчиликсиз ўтишини маълум қилди.
Қайд этилишича, 19 ноябрь кундуз куни республика ҳудуди бўйича ёғингарчиликсиз об-ҳаво бўлиши кутилмоқда. Куннинг ўртасига келиб, ҳаво 5-10 даража илиққача исийди.
Дам олиш кунларида ҳам ёғингарчиликсиз об-ҳаво сақланиб туради. Совуқ антициклон шарқий томонга қараб силжиб, ҳаво ҳарорати кўтарилади.
Шанба, 20 ноябрь куни кечаси 1-6 даража совуқ, кундуз куни 8-13 даража илиқ бўлади. Якшанба куни ҳаво янада исийди. Кечаси ҳарорат 2 даража совуқ-3 даража илиққача, кундуз куни 14-17 даража илиққача кўтарилади.
Эслатиб ўтамиз, 17—18 ноябрда республиканинг барча ҳудудига Волга бўйи орқали Россиянинг Европа ҳудуди (Москва вилояти) устида шаклланган нам ва совуқ ҳаво массаси кириб келди ва айрим ҳудудларда, хусусан, Тошкентда қор ёғди.
Изоҳ (0)