Шавкат Мирзиёев Россия президенти Владимир Путиннинг таклифига биноан 19 ноябрь куни ташриф билан Россияга жўнаб кетганди. Президент матбуот хизмати давлат раҳбари Москвага етиб борганини маълум қилди.
Қайд этилишича, «Внуково-2» аэропортида Шавкат Мирзиёевни Россия президенти ёрдамчиси Максим Орешкин ва бошқа расмий шахслар кутиб олди. Шундан сўнг Шавкат Мирзиёев Владимир Путин билан музокара ўтказиш учун Кремлга йўл олди.
Учрашувда Ўзбекистон билан Россия ўртасидаги стратегик шериклик ва иттифоқчилик муносабатларини мустаҳкамлаш, турли соҳалардаги ҳамкорликни ривожлантириш масалалари муҳокама қилинади.
Россия ТИВ матбуот хизмати ташриф давомида ҳар икки давлат ўртасида 30 га яқин ҳужжат имзоланиши кутилаётганини маълум қилганди.
Изоҳ (0)