“O‘zgidromet” dam olish kunlari yog‘ingarchiliksiz o‘tishini ma’lum qildi.
Qayd etilishicha, 19-noyabr kunduz kuni respublika hududi bo‘yicha yog‘ingarchiliksiz ob-havo bo‘lishi kutilmoqda. Kunning o‘rtasiga kelib, havo 5-10 daraja iliqqacha isiydi.
Dam olish kunlarida ham yog‘ingarchiliksiz ob-havo saqlanib turadi. Sovuq antisiklon sharqiy tomonga qarab siljib, havo harorati ko‘tariladi.
Shanba, 20-noyabr kuni kechasi 1-6 daraja sovuq, kunduz kuni 8-13 daraja iliq bo‘ladi. Yakshanba kuni havo yanada isiydi. Kechasi harorat 2 daraja sovuq-3 daraja iliqqacha, kunduz kuni 14-17 daraja iliqqacha ko‘tariladi.
Eslatib o‘tamiz, 17—18-noyabrda respublikaning barcha hududiga Volga bo‘yi orqali Rossiyaning Yevropa hududi (Moskva viloyati) ustida shakllangan nam va sovuq havo massasi kirib keldi va ayrim hududlarda, xususan, Toshkentda qor yog‘di.
Izoh (0)