Беларусь терма жамоаси собиқ футболчиси Денис Ковба 42 ёшида коронавирусдан вафот этди

Беларусь терма жамоасининг собиқ футболчиси Денис Ковба коронавирус оқибатида 42 ёшида вафот этди. Бу ҳақида «Крилья Советов» футбол клуби матбуот хизмати хабар қилди.

Беларусь терма жамоасининг собиқ ўйинчиси 12 ноябрь куни коронавирус инфекцияси сабаб оғир аҳволда реанимацияга тушиб қолган эди.

Денис Беларуснинг «Локомотив» жамоаси тарбияланувчиси ҳисобланади. Ярим ҳимоячи фаолияти давомида «Звезда» (1998–2000 йиллар), «Спарта» (2о09-2010), «Александрия» (2012), «Химки» (2012) жамоаларида ўйнаган. «Крилья Советов»да эса 12 мавсум ҳаракат қилган ва барча мусобақаларда 288 та ўйинда иштирок этган. Футболчилик фаолиятини якунлаганидан сўнг Беларуснинг «Витебск» (2018-2019) ва «Витебск» ёшлари (2020-2021) жамоаларига мураббийлик қилган.

Эслатиб ўтамиз, «Ланс» афсонаси Арнольд Совински, «Эспаньол» собиқ бош мураббийи Бенито Хоанет, «Реал» клуби собиқ президенти Лоренцо Санс, бразилиялик афсонавий юлдуз Роналдиньонинг онаси Мигелина Элои дос Сантос коронавирус оқибатида вафот этганди.