Аделнинг экранда берган ҳар бир кўриниши матбуотда мавзуга айланади. У иштирок этган дастурлар ҳамиша юқори рейтингларни қайд қилади. CBS каналидаги шоуда ҳам худди шундай натижа қайд қилинди.
Хонанда 6 йилдан буён илк марта One night only кўрсатувида чиқиш қилиб, Опра Уинфрига интервью берди. Дастурни 9,9 миллион мухлис томоша қилди. Бу «Оскар»нинг сўнгги тақдирлаш маросимини томоша қилганлар (9,85 миллион) сонидан кўпроқ натижа. Таққослаш учун машҳур ABC’s celebrity wheel of fortune шоусини шу дам олиш куни 3,4 миллион томошабин кўрган.
The Mirror, нашрининг маълумотига кўра CBS канали Аделнинг иштироки ҳисобига 100 миллион доллар ишлаб олган. Қатнашгани учун эса қўшиқчига 5—7 миллион доллар тўланган. Шоуга турли изоҳлар билдирилган. Аксарият танқидчилар концерт яхши чиққани, аммо интервью бундан ҳам қизиқ бўлиши мумкинлигини таъкидлаган. Адел интервью давомида Саймон Конеки билан ажрашиш тафсилотлари билан бўлишган.
«Ростини айтсам, Саймон менинг ҳаётимни сақлаб қолган, фикримча. У ҳаётимнинг турғун вақтида пайдо бўлган. Барқарорликни, айниқса ёш ва ғўр вақтимда у ва Анжелодан бошқа ҳеч ким бера олмас эди. Мен қандайдир нотўғри йўлдан юришим ва эмоцияларга берилувчан эканим сабаб ўзимни хароб қилишим мумкин эди. У пайдо бўлди-ю, ҳаётимдаги энг ишончли инсонга айланди. Мен ҳалигача ҳар жабҳада унга ишонаман», — деган у.
Шу билан бирга, ажрашиши кераклигини тушуниб етишига унга журналдаги психологик тест ёрдам берганини қўшимча қилган. Унинг айтишича, айнан шу тестдан кейин у турмуши бемаъни эканини ва муносабатларидаги барқарорликка қарамай, ўсиши кераклигини тушуниб етган.
Мавзуга доир:
Изоҳ (0)