Tesla бош директори Илон Маск ўз автокомпаниясининг яна 934 091 та акциясини 930 миллион долларга сотди. Бу ҳақда Reuters хабар берди.
Бир кун аввал Tesla акциялари деярли 2 фоизга арзонлашиб, ҳар бирининг нархи 1013,39 долларни ташкил этган, компания капиталлашуви эса 207 миллиард долларга пасайган.
Маск ноябрь ойида Tesla акцияларини сотишни бошлади. Ўтган ҳафта у 2 миллионга яқин қимматли қоғозларни сотган, уларнинг қиймати тахминан 2,5 миллиард долларни ташкил этган. Кейинроқ Twitter’да ўзи ташкил қилган сўровнома натижасида у акциялардаги улушидан яна икки қисмини сотди. Сўровномада бизнесмен обуначилардан Tesla акцияларининг 10 фоизини сотиш керакми ёки йўқлигини сўраганди. У акцияларни сотиш солиқ тўлашнинг ягона йўли, деб айтган.
15 ноябрь куни тадбиркор Tesla акцияларини янада кўпроқ сотишга тайёрлигини маълум қилди. Шу орқали у конгрессмен Берни Сандерснинг ўта бой америкаликларни адолатли солиққа тортишга чақирган баёнотига муносабат билдирди. Илон Маск АҚШда «миллиардерлар учун солиқ» жорий этилишига қарши чиққан.
Изоҳ (0)