Беш дақиқада тайёр бўладиган шоколадли кекс рецепти

Микротўлқинли печда пишириш мумкин бўлган мазали ширинлик рецептини эътиборингизга ҳавола қиламиз.

Керакли маҳсулотлар:

• қора шоколад — 75 г;
• сариёғ — 50 г;
• шакар кукуни — 50 г;
• ун — 50 г;
• тухум — 1 дона;
• олча — 50 г (музлатилганидан фойдаланса ҳам бўлади);
• разрихлитель — 0,5 чой қошиқ;
• консерваланган олча шарбати — 2 ош қошиқ.

• Шоколад ва сариёғни бир-биридан алоҳида эритиб олинг.
• Шоколадга тухум ва шакар кукуни қўшинг.
• Ун, разрихлитель, олча ва олча шарбати қўшиб аралаштиринг.
• Иккита кружкани олиб четларига сариёғ суртинг.
• Аралашмани яримдан кўпроқ қилиб солиб, устини ёпинг.
• Устидан қандолат плёнкаси билан ўраб, 2 дақиқага микротўлқинли печга қўйинг.
• Плёнкани олиб яна 30 сонияга қўйинг.
• Аралашма кўтарилиши керак.
• Устини оқ шоколад ёки мевалар билан безасангиз бўлади.