«Миллионер печеньеси»— оддий маҳсулотлардан тайёрланадиган шоҳона десерт

Мазкур ширинлик Австралия ва Буюк Британияда машҳур бўлиб, ширинликни хуш кўрувчилар учун ажойиб танлов ҳисобланади. 

Керакли маҳсулотлар:

Хамир учун:

• сариёғ – 100 грамм;
• шакар упаси – 50 грамм;
• ун – 140 грамм.

• қуюлтирилган сут – 375 мл;
• жигарранг шакар – 100 грамм;
• сариёғ – 90 грамм;
• туз – 1/2 чой қошиқ.

• қора шоколад – 210 грамм;
• қаймоқ – 70 мл.

1. Печ 190 даражада қиздирилади. Тўртбурчак қолипга пергамент қоғоз солинади.
2. Сариёғ шакар упаси билан миксер қилинади. Устидан ун солиб, хамир қорилади.
3. Тайёр бўлгач, қолипга солинади ва жигарранг тусга киргунча 25 дақиқа пиширилади.
4. Алоҳида идишга қуюлтирилган сут, шакар ва сариёғ солинади. Карамел ҳосил бўлгунча 5-7 дақиқа давомида паст оловда аралаштирилади.
5. Туз солиб, қолип ичидаги хамир устига қуйилади ва 20 дақиқага печга қўйилади.
6. Яна бир идишга шоколад майдалаб солинади, қаймоқ қайнатиб олинади ва устидан шоколад бўлаклари солинади. Силлиқ масса ҳосил бўлгунча аралаштирилади.
7. Тайёр бўлган ганаш карамелли хамир устидан қуйилади ва 1-2 соатга музлаткичда қолдирилади.
8. Сўнгра тўртбурчак шаклда кесилиб, дастурхонга тортилади.