АҚШ президенти Жо Байден Вакиллар палатаси томонидан ноябрь бошида қабул қилинган мамлакатдаги инфратузилма лойиҳаларни 1,2 триллион долларга молиялаштириш тўғрисидаги қонунни имзолади. Оқ уйда ўтказилган тантанали имзолаш маросимида у ҳужжатнинг қабул қилиниши демократ ва республикачиларнинг натижалар учун бирлашиши мумкинлигини кўрсатганини таъкидлади, деб хабар беради «Коммерсантъ».
«Барча мавжуд нарсаларни олишни истаганимиз сабаб Вашингтонда жуда тез-тез ҳеч нарса қилинмайди. Ушбу қонун билан биз бошлаган ишимизни якунлашга эътибор қаратдик», — дейди Байден.
Қонун транспорт ва электр алоқаси учун федерал молиялаштиришни ошириш, интернетдан фойдаланиш имкониятини кенгайтириш, сув таъминоти тизимини яхшилаш ва иқлим ўзгариши таъсиридан ҳимоя қилишни назарда тутади. Унинг қабул қилиниши АҚШ Демократлар партиясининг ички фракциясида баҳсларга сабаб бўлган, шунинг учун Байден овоз бериш куни Делаверга сафарини қолдиришга мажбур бўлган. АҚШ президентининг қабул қилинмаган яна бир ташаббуси — ижтимоий харажатларни ошириш тўғрисидаги «Қайта қурамиз ва яхшироқ» қонун лойиҳаси.
Эслатиб ўтамиз, апрель ойида Жо Байден америкаликларга 1,8 триллион долларлик ёрдам режасини тақдим этган ва бойлар учун солиқларни ошириш таклифини берганди. Режага кўра, ўн йил давомида бир триллион доллар таълим ва болалар парвариши соҳаларига, яна 800 миллиард доллар ўртача ва паст даромадли оилалар учун солиқ имтиёзларига йўналтирилиши керак эди.
Изоҳ (0)