Ўзбекистон йўлларида сўнгги кунларда содир бўлган ҳодисалар ҳақида батафсил маълумот тақдим этамиз.

Қаршида ЙПХ автомобили ва Nexia тўқнашди

2021 йилнинг 13 ноябрь куни соат 09:25 ларда Қашқадарё вилояти, Қарши шаҳри, Мустақиллик кўчасида ЙПХ ходими Қ.Бахромовга бириктирилган Lacetti русумли хизмат автомобили ҳамда ҳайдовчи Д.Х. бошқарувидаги Nexia русумли автомобиль иштирокида тўқнашув содир бўлган.

ЙТҲ натижасида тан жароҳати олган фуқаролар йўқ.

Мазкур ЙТҲ юзасидан Қарши шаҳар прокуратураси томонидан терговга қадар суриштирув ҳаракатлари олиб борилмоқда.

Чирчиқдаги чорраҳада Damas ва Lacetti ЙТҲ содир этди

2021 йилнинг 10 ноябрь куни соат 18:00 ларда Тошкент вилояти, Чирчиқ шаҳар, Кангли ва Х.Мақсудов кўчалари кесишган чорраҳада ҳайдовчи, 1997 йилда туғилган Ж.М. бошқарувидаги Damas русумли ҳамда ҳайдовчи, 1987 йилда туғилган Б.Д. бошқарувидаги Lacetti русумли автомобиллар иштирокида тўқнашув содир бўлган.

ЙТҲ натижасида тан жароҳати олган фуқаролар йўқ. Транспорт воситаларига зарар етган.

Мазкур ЙТҲ юзасидан Чирчиқ шаҳар ИИБ ЙҲХБ ходимлари томонидан суриштирув ҳаракатлари олиб борилмоқда.

Наманганда Malibu ёниб кетди

Наманган шаҳри Давлатобод туманида 13 ноябрь куни Malibu автомашинаси ёниб кетди.

Маълум қилинишича, туманнинг «Юксалиш» маҳалла фуқаролар йиғини, Ёшлар кўчасида жойлашган автотураргоҳда турган Malibu автомашинасида ёнғин содир бўлган. Қайд этилишича, ҳодиса қутқарувчилар томонидан бартараф этилган.

Оқибатда машинанинг салон қисми тўлиқ, мотор ҳамда устки қисми қисман ёниб зарарланган. Ҳозирда содир бўлган ёнғин юзасидан терговга қадар суруштирув ишлари олиб борилмоқда.