Судан армиясининг генерали Абдул Фаттоҳ ал-Бурҳон янги ўтиш даври Суверен кенгаши раиси сифатида қасамёд қабул қилди. Бу ҳақда SUNA агентлигига таяниб, «ТАСС» хабар берди.
Таъкидланишича, ал-Бурҳон мамлакат суд тизими раҳбари Абдулазиз Фатҳ ар-Раҳмон Абдин қаршисида конституцион қасамёдни келтирган. Asharq телеканалининг маълумотларига кўра, қасамёдни, шунингдек, Суданнинг янги сиёсий органи аъзолари ҳам қабул қилган.
Суверен кенгаш 11 ноябрь куни ал-Бурҳоннинг қарорига кўра тузилган. Орган таркиби мамлакатларнинг қуролли ва фуқаролик вакиллари ўртасидаги музокаралар якунлари бўйича аниқланган. Ал-Бурҳон Судан Қуролли Кучлари қошидаги Миллий хавфсизлик ва разведка хизматига бўйсунувчи тезкор ҳаракат кучлари (махсус кучлар) қўмондони Муҳаммад Ҳамдан Даклони ўзига ўринбосар сифатида тайинлаган. Суверен кенгаш 14 кишидан иборат бўлиши керак: уларнинг саккиз нафари армия вакиллари ва олти нафари аҳоли вакиллари.
Аввалроқ Судан ҳарбий етакчиси генерал Абдул Фаттоҳ ал-Бурҳон тўрт нафар вазирни озод қилиш бўйича топшириқ берганди. Улар давлат тўнтариши вақтида қўлга олинган эди.
Мавзуга доир: ОАВ: Суданда ҳарбийлар томонидан ағдарилган бош вазир янги ҳукуматни бошқаришга рози бўлди
Изоҳ (0)