Sudan armiyasining generali Abdul Fattoh al-Burhon yangi o‘tish davri Suveren kengashi raisi sifatida qasamyod qabul qildi. Bu haqda SUNA agentligiga tayanib, “TASS” xabar berdi.
Ta’kidlanishicha, al-Burhon mamlakat sud tizimi rahbari Abdulaziz Fath ar-Rahmon Abdin qarshisida konstitutsion qasamyodni keltirgan. Asharq telekanalining ma’lumotlariga ko‘ra, qasamyodni, shuningdek, Sudanning yangi siyosiy organi a’zolari ham qabul qilgan.
Suveren kengash 11-noyabr kuni al-Burhonning qaroriga ko‘ra tuzilgan. Organ tarkibi mamlakatlarning qurolli va fuqarolik vakillari o‘rtasidagi muzokaralar yakunlari bo‘yicha aniqlangan. Al-Burhon Sudan Qurolli Kuchlari qoshidagi Milliy xavfsizlik va razvedka xizmatiga bo‘ysunuvchi tezkor harakat kuchlari (maxsus kuchlar) qo‘mondoni Muhammad Hamdan Dakloni o‘ziga o‘rinbosar sifatida tayinlagan. Suveren kengash 14 kishidan iborat bo‘lishi kerak: ularning sakkiz nafari armiya vakillari va olti nafari aholi vakillari.
Avvalroq Sudan harbiy yetakchisi general Abdul Fattoh al-Burhon to‘rt nafar vazirni ozod qilish bo‘yicha topshiriq bergandi. Ular davlat to‘ntarishi vaqtida qo‘lga olingan edi.
Mavzuga doir: OAV: Sudanda harbiylar tomonidan ag‘darilgan bosh vazir yangi hukumatni boshqarishga rozi bo‘ldi
Izoh (0)