Самарқанд вилояти Нарпай туманида бир оиланинг тўрт нафар аъзоси ис газидан заҳарланиб, вафот этди. «Дарё» сўровига жавобан мазкур хабарни тасдиқлаган Бош прокуратура ахборот хизмати воқеа 2021 йилнинг 22 октябрь куни содир бўлганини билдирди.
Маълум қилинишича, 22 октябрь куни соат 12:30 ларда туманнинг «Нарпай» маҳалласида яшовчи фуқаро Ж.С. (1984 йилда туғилган), унинг турмуш ўртоғи Ш.З. (1987 йилда туғилган) ҳамда 2 нафар вояга етмаган фарзандлари — М.Х. (2012 йилда туғилган) ҳамда Ж.Х.нинг (2018 йилда туғилган) мурдаси яшаш уйида ис газидан заҳарланган ҳолда тан жароҳатларисиз топилган.
Ҳодиса жойини кўздан кечиришда марҳумлар ётган хонада қўлбола усулда ясалган, табиий газ тармоғига уланган иситиш печи мавжуд бўлиб, мазкур печнинг дуд-бўронида қушлар ин қургани натижасида хас-хашаклар билан тўлиб қолгани аниқланган.
Ҳолат юзасидан 22 октябрь куни туман прокуратураси томонидан Жиноят кодексининг 259-моддаси (ёнғин хавфсизлиги қоидаларини бузиш) 2-қисми «а, б» бандлари билан жиноят иши қўзғатилган.
Эслатиб отамиз, 27 октябрь куни Паст Дарғом тумани ҳокимлигида ўтказилган брифингда ФВБ вакили Самарқанд вилоятида 10 кун ичида ис газидан заҳарланиш билан боғлиқ 4 та ҳолат қайд этилгани, оқибатида саккиз киши вафот этганини маълум қилганди.
Изоҳ (0)