Қашқадарё вилоятининг Миришкор туманида чорва молларини талон-торож қилган собиқ МЧЖ директорининг кирдикорлари фош этилди, деб хабар бермоқда Бош прокуратура ҳузуридаги департамент.
Маълум қилинишича, департаментнинг Миришкор туман бўлими томонидан «Ўзбекистон қоракўлчилик» МЧЖнинг Миришкор туман филиалининг мурожаатига асосан ўтказилган терговга қадар текширувида МЧЖнинг собиқ раҳбари Ч.Х. ўзининг жавобгарлигида бўлган умумий баҳоси 604,7 миллион сўмлик жами 2 429 бош майда шоҳли молларни сотиб юбориб, сотувдан тушган маблағларни жамият ҳисоб рақамига кирим қилмасдан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (талон-торож қилиш) ва 205-моддаси (ҳокимият ёки мансаб ваколатини суиистеъмол қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)