Тень суртишда йўл қўйиладиган 12 хато: Уларсиз макияж мукаммал кўринади

Тень суртиш ярашмайди, барибир ҳам суркалиб кетади, дейдиганлар аслида ушбу косметик воситадан тўғри фойдаланишни билмайди.

Биринчи хато: праймердан фойдаланмаслик

Кўпчилик косметикага ортиқча пул сарфлашдан бошқа нарса эмас деб ҳисоблайдиган праймер, аслида макияж учун жуда ҳам муҳим. Терини бир текисда қоплагани ҳисобига бўёқлар яхши суртилади.

Иккинчи хато: чўткалардан фойдаланмаслик

Махсус чўткадан фойдалансангиз, тень суртиш унчалик қийин эмаслигини тушуниб етасиз. Жараёндан кейинги натижа эса сизни қувонтириши аниқ.

Учинчи хато: нотўғри чўткани ишлатиш

Тенлар турлича: пигментли, енгил ва қуюқ суртиладиган, кремли, қуруқ ёки аралаш бўлиши мумкин. Уларнинг қандайлигидан келиб чиқиб чўткани танлаш керак бўлади. Тўғри келадиганидан фойдаланиш макияжнинг чиройли чиқишига ҳисса қўшади.

Тўртинчи хато: нотўғри суртиш

Кўпчилик тенни қовоғининг ўртасига суртиб, кейин четларга тарқатади. Аслида эса ишни қовоқнинг ташқи бурчагига суртишдан бошлаш керак.

Бешинчи хато: нотўғри рангни танлаш

Териси сарғишлар тўқроқ ранглардан, қизғишлар эса оч рангдан фойдаланиши керак.

Олтинчи хато: кўзнинг рангини инобатга олмаслик

Мовий кўз эгалари шафтоли ва сабзи ранглардан фойдаланиши, жигарранг кўзли аёл-қизлар эса мовий, сиёҳранг тенларни ишлатиши керак. Яшил кўзлиларга эса қизғиш ва оч сиёҳранг жуда ярашади.

Еттинчи хато: киприклар илдизини бўямаслик

Киприкларни устидан бўяшни унутиш макияжнинг муваффақиятсиз чиқишини таъминлайди. Қалинроқ чўткани олиб, эҳтиёткорлик билан бўянг, терининг бошқа қисмларига тегиб кетмаслигига эътибор беринг.

Саккизинчи хато: ялтирайдиган ва ялтирамайдиган рангларни нотўғри умумлаштириш

Ялтирайдиган тенни қовоқнинг ўртасига, ялтироғини эса ташқи бурчакка суртиш керак.

Тўққизинчи хато: ички бурчакни бўяшни унутиш

Кўзнинг ички бурчагига оч ранг суртилса, нигоҳлар порлоқ, кўзлар эса катта кўринади.

Ўнинчи хато: қошларни бўямаслик

Қошларга урғу берилмаган бўлса, тень унчалик чиройли кўринмайди.

Ўн биринчи хато: кўз остидаги ҳалқаларни бўямаслик

Кўз остидаги қора ҳалқалар кўзга ташланиб турса, ҳеч қандай тень билан ҳам исталгандек кўриниб бўлмайди.

Ўн иккинчи хато: намлантиришни унутиш

Ҳар куни эрталаб ва кечқурун намлантирадиган крем суртишни унутманг. Шундан кейин макияжингиз аввалгидан фарқ қилиши ўзингизга ҳам сезила бошлайди.