Актёр ва актрисалар ҳар қандай қаҳрамон ролини ижро қила олиши керак. Аммо шунчаки суратга тушиш билан юклатилган вазифани дўндириш ўртасида катта фарқ бор. Истеъдоди ва маҳорати билан буни уддасидан чиққан ва қойилмақом ижроси билан томошабинларнинг ҳайратига сабаб бўлган юлдузлар ҳақида маълумот бериб ўтамиз.
Сара Полсон
2009 йил суратга олинган «Купидон» фильмида психиатр ролини ижро қилган актриса, «Қулликнинг 12 йили»да (2013) қаттиққўл плантация эгаси Мери Эппсни, «Америка жиноят тарихи»да (2021) эса давлат ташкилотида фаолият юритган ходим сифатида намоён бўлган.
Оскар Айзек
Оскар «Ғаройиб одамлар: Апокалипсис» (2016) салбий қаҳрамон Апокалипсис, «Мактуб хонаси»да (2020) офицер, «Дюна» да (2021) бўлса, Атрейдеслар уйининг раҳбари, Араккис сайёрасининг раҳбари, герцог Лето Атрейдес қаҳрамонларини гавдалантирган.
Эмма Стоун
«Оқсоч»да (2011) журналист бўлишни истайдиган қиз сифатида суратга тушган актриса, «Бердмен»да (2014) унутилган актёр отасини ёрдамчиси бўлган Сем, «Ой ёруғлигининг мўъжизаси»да (2014) фирибгар аёлни гавдалантирган.
Кери Маллиган
«Буюк Гетсби»да (2013) Дейзи Бюкененни гавдалантирган актриса, «Мадбаунд фермаси»да фермернинг рафиқаси Лора Макаллан «Умид бағишловчи аёл»да (2020) тиббиёт коллежининг собиқ талабаси ролини ўйнаган.
Лора Дерн
«Ёввойи қалб»да (1990) севгилисидан айрилган Лула Пейс Форчун ролини ижро қилган актриса, «Юлдузлар жанги: Сўнгги жедай»да (2017) вице-адмирал Эмилин Холдони, «Катта, кичик ёлғон»да эса (2017–2019) бизнесмен аёл Рената Клейн сифатида суратга тушган.
Эмилия Кларк
«Тахтлар ўйини»да (2011–2019) Деенерис Таргариен ролини ижро қилган Кларк, «Хемингуэй уйи»да (2013) отаси ташлаб кетган қиз Эвелин, «Тошдан овоз»да ҳамшира Веренани гавдалантирган.
Бенедикт Камбербетч
Бенедикт Камбербетчни мухлислар «Хокинг»да (2004) физик Стивен Хокинг, «Ван Гог: сўзлар билан тасвирланган тасвир»да рассом Ван Гог ва «Доктор Стренж»да (2016) бош қаҳрамон доктор Стренж сифатида кўриши мумкин.
Мерил Стрип
«Қаттиққўл хоним»да (2006) журнал муҳаррири Миранда Пристлини гавдалантирган актриса, «Ўрмон ичида» (2014) фильмида жодугар, «Катта, кичик ёлғон»да разил аёл ролларини ижро қилган.
Дениел Дэй-Льюсис
Актёр «Боксчи» (1997) фильмида ирландиялик боксчи Дэнни Флинн, «Нью-Йорк тўдалари»да тўда бошлиғи Уильям Каттингни ҳамда «Хаёлий ришта»да моделер Рейнолдс Вудкокни гавдалантирган.
Жессика Честейн
«Оқсоч»да (2011) бизнесменнинг рафиқаси сифатида суратга тушган актриса, «Слоуннинг хавфли ўйини»да лоббист Элизабет Слоунни, «Темми Фейнинг кўзлари»да (2021) эса телебошловчи Темми Фей Беккер ролларини ижро қилган.
Пенелопа Крус
«Los abrazos rotos» фильмида (2009) ёш актриса Магдалена Ривас сифатида кўриниш берган актриса «Оғриқ ва шон-шуҳрат»да режиссёрнинг онаси, «Расмий танлов»да эса (2021) постановкачи Лола Куэвас қаҳрамонлари ролини ижро қилган.
Женнифер Лоуренс
«Қиш суяги»да (2010) 17 яшар Ри Долли ролини ижро қилган Лоуренс, «Жой» фильмида (2015) ёлғиз она, «Юқорига қараманг»да (2021) эса астроном Кейт Дибиаски сифатида суратга тушган.
Леди Гага
«Американча қўрқинчли ҳикоя»да (2016) жодугар Скатани қойиллатиб ижро қилган хонанда, «Юлдуз туғилди»да хонанда Элли, «Гуччи уйи»да Патрисия Режанини гавдалантирган.
Изоҳ (0)