Машҳурларнинг барчаси ҳам маҳсулотларни харид қилиш учун хизматчисини дўконга юборавермайди. Улар орасида шахсан ўзи танлаб, сотиб олишни маъқул биладиганлари ҳам йўқ эмас.
Папараццилар томонидан олинган суратларга назар ташлаб, шоу-бизнес вакилларининг севимли маҳсулотлари қайси экани ҳақида маълумотга эга бўлиш мумкин. Масалан, актриса Кемерон Диас брокколини яхши кўришини билиш қийин эмас.
Помидорлар актриса Элизабет Бенкснинг жону дили, ҳамкасби Элизабет Олсин эса қўзиқоринларни яхши кўради. Ҳар сафар дўконга бориши биланоқ улар харид саватчасига севимли маҳсулотларининг бир нечта ўрамини солишни афзал билади.
Дунё мода оламининг энг кўзга кўринган вакилларининг ҳам табиийки севимли маҳсулотлари йўқ эмас. Масалан, Кендалл Женнер шакарнинг органик бўлгани билан калорияси сероблигини рад этиб бўлмайдиган катта ҳажмдагисини олади. Элза Хоскнинг ёнида эса ҳамиша махсус пакетлардаги зарарли егуликлар борлигини кўриш мумкин. Хейли Болдуин эса турмуш ўртоғи Жастин Бибер билан картошка, чипс, газланган ичимликларни харид қилади. Кайли Женнер эса харид қилган маҳсулотлари сурати билан Instagram саҳифасида бўлишган. Унга назар ташлаб чипс, безели ширинлик, кекс ва печеньелар моделнинг севимли маҳсулоти эканини билиш мумкин.
Ева Лонгория эса саватчага солишдан аввал сабзавотларни диққат билан кўздан кечиради. Хиллари Дафф бўлса, энг сифатли ва барра маҳсулотни олиш учун дўкондаги энг юқори пештахтага осилишга ҳам рози. Аслида Хилари ҳақ, негаки эскироқ маҳсулотлар биринчи кетиши учун янгилари юқори пештахталарга терилади.
Руни Мара, Голди Хоун ва Алессанда Амбросионинг саватида, албатта, барра кўкатлар бўлади. Сарвқомат бўлиш учун бундай юлдузлар зарарли маҳсулотлардан тийилишни афзал билади.
Эмбер Хердни эса Briston Farms’да янги пишган нон ва қандолат маҳсулоти харид қилаётганини кўриш мумкин.
Розарио Доусон гриллда пиширилган жўжа, Ребел Уилсон эса кола сотиб олиши мумкин.
Ванесса Паради эса кўпинча ёрмалар ва дуккакли маҳсулотларни сотиб олади.
Жессика Альба чой сотиб олишни яхши кўради.
Машҳур эканига қарамай, юлдузлар дўкондаги харид давомида оддий одамлардек кўринади. Макияж, ҳашаматли либослардан асар ҳам бўлмайди. Бундай вақтда улар қулай кийим ва йиғилган соч турмагини афзал билади.
Изоҳ (0)