Аrtik & Аsti гуруҳи аъзоси ва продюсер Артём Умрихин Instagram саҳифасида Аsti тахаллуси билан ижод қиладиган Анна Дзюба билан эндиликда бирга ижод қилмаслигини маълум қилди.
«Бугундан бошлаб йўлларимиз айри, энди ҳар ким ўз йўлидан кетади. Анна ўзининг яккахон ижодини бошлаши муқаррар, мен эса бугунги кунгача қилган ишим — қўшиқ ёзиш, янги истеъдодларни қидириб, уларга ёрдам беришда давом этаман», — деб ёзган Артём.
https://www.instagram.com/p/CVxJWK_qVMy/?utm_source=ig_embed&ig_rid=0107f1a7-f1a2-4b38-b446-987e3e90e9ef
Ижтимоий тармоқларда ҳамкасбларнинг ўртасидаги низолар ҳақида миш-мишлар тарқалганига қарамай, хонанда Аннага 10 йиллик ҳамкорликдаги фаолияти учун илиқ миннатдорчилик билдирган.
«Аннага миннатдорчилик билдирмоқчиман. Биргаликда узоқ, ғоят қизиқ ва муҳим йўлни босиб ўтдик», — деб қўшимча қилган Артём гуруҳ фаолиятини янгиланган таркибда давом эттиришини таъкидлаган.
Шунга қарамай, у янги аъзонинг ким экани ҳақида маълумот бермаган. Гуруҳнинг 2021 йилнинг июль ойида мусиқий чартларда юқори ўринларни эгаллаган «Миллениум Х» номли тўртинчи студия альбоми ҳали ҳамон етакчи ҳисобланади. Хонандаларнинг ижоди самарали бўлгани сабаб Анна Россияда «Йил аёли» мукофотини « Йил хонандаси» йўналиши бўйича қўлга киритган.
Маълумот учун, Анна Дзюба 2020 йилда бизнесмен Станислав Юркин билан турмуш қурган. Жуфтлик тўй маросимини овоза қилмасдан ўтказишга қарор қилган.
Изоҳ (0)