Aktyor va aktrisalar har qanday qahramon rolini ijro qila olishi kerak. Ammo shunchaki suratga tushish bilan yuklatilgan vazifani do‘ndirish o‘rtasida katta farq bor. Iste’dodi va mahorati bilan buni uddasidan chiqqan va qoyilmaqom ijrosi bilan tomoshabinlarning hayratiga sabab bo‘lgan yulduzlar haqida ma’lumot berib o‘tamiz.
Sara Polson
2009-yil suratga olingan “Kupidon” filmida psixiatr rolini ijro qilgan aktrisa, “Qullikning 12 yili”da (2013) qattiqqo‘l plantatsiya egasi Meri Eppsni, “Amerika jinoyat tarixi”da (2021) esa davlat tashkilotida faoliyat yuritgan xodim sifatida namoyon bo‘lgan.
Oskar Ayzek
Oskar “G‘aroyib odamlar: Apokalipsis” (2016) salbiy qahramon Apokalipsis, “Maktub xonasi”da (2020) ofitser, “Dyuna” da (2021) bo‘lsa, Atreydeslar uyining rahbari, Arakkis sayyorasining rahbari, gersog Leto Atreydes qahramonlarini gavdalantirgan.
Emma Stoun
“Oqsoch”da (2011) jurnalist bo‘lishni istaydigan qiz sifatida suratga tushgan aktrisa, “Berdmen”da (2014) unutilgan aktyor otasini yordamchisi bo‘lgan Sem, “Oy yorug‘ligining mo‘jizasi”da (2014) firibgar ayolni gavdalantirgan.
Keri Malligan
“Buyuk Getsbi”da (2013) Deyzi Byukenenni gavdalantirgan aktrisa, “Madbaund fermasi”da fermerning rafiqasi Lora Makallan “Umid bag‘ishlovchi ayol”da (2020) tibbiyot kollejining sobiq talabasi rolini o‘ynagan.
Lora Dern
“Yovvoyi qalb”da (1990) sevgilisidan ayrilgan Lula Peys Forchun rolini ijro qilgan aktrisa, “Yulduzlar jangi: So‘nggi jeday”da (2017) vitse-admiral Emilin Xoldoni, “Katta, kichik yolg‘on”da esa (2017–2019) biznesmen ayol Renata Kleyn sifatida suratga tushgan.
Emiliya Klark
“Taxtlar o‘yini”da (2011–2019) Deyeneris Targariyen rolini ijro qilgan Klark, “Xeminguey uyi”da (2013) otasi tashlab ketgan qiz Evelin, “Toshdan ovoz”da hamshira Verenani gavdalantirgan.
Benedikt Kamberbetch
Benedikt Kamberbetchni muxlislar “Xoking”da (2004) fizik Stiven Xoking, “Van Gog: so‘zlar bilan tasvirlangan tasvir”da rassom Van Gog va “Doktor Strenj”da (2016) bosh qahramon doktor Strenj sifatida ko‘rishi mumkin.
Meril Strip
“Qattiqqo‘l xonim”da (2006) jurnal muharriri Miranda Pristlini gavdalantirgan aktrisa, “O‘rmon ichida” (2014) filmida jodugar, “Katta, kichik yolg‘on”da razil ayol rollarini ijro qilgan.
Deniyel Dey-Lyusis
Aktyor “Bokschi” (1997) filmida irlandiyalik bokschi Denni Flinn, “Nyu-York to‘dalari”da to‘da boshlig‘i Uilyam Kattingni hamda “Xayoliy rishta”da modelyer Reynolds Vudkokni gavdalantirgan.
Jessika Chesteyn
“Oqsoch”da (2011) biznesmenning rafiqasi sifatida suratga tushgan aktrisa, “Slounning xavfli o‘yini”da lobbist Elizabet Slounni, “Temmi Feyning ko‘zlari”da (2021) esa teleboshlovchi Temmi Fey Bekker rollarini ijro qilgan.
Penelopa Krus
“Los abrazos rotos” filmida (2009) yosh aktrisa Magdalena Rivas sifatida ko‘rinish bergan aktrisa “Og‘riq va shon-shuhrat”da rejissorning onasi, “Rasmiy tanlov”da esa (2021) postanovkachi Lola Kuevas qahramonlari rolini ijro qilgan.
Jennifer Lourens
“Qish suyagi”da (2010) 17 yashar Ri Dolli rolini ijro qilgan Lourens, “Joy” filmida (2015) yolg‘iz ona, “Yuqoriga qaramang”da (2021) esa astronom Keyt Dibiaski sifatida suratga tushgan.
Ledi Gaga
“Amerikancha qo‘rqinchli hikoya”da (2016) jodugar Skatani qoyillatib ijro qilgan xonanda, “Yulduz tug‘ildi”da xonanda Elli, “Guchchi uyi”da Patrisiya Rejanini gavdalantirgan.
Izoh (0)