Гиннеснинг рекордлар китобига киритилган жаҳон юлдузлари (фото)

Дунёдаги энг ноёб ва кўзга кўринган одамлар рўйхатига киритилган машҳурларни эътиборингизга ҳавола этамиз. 

Леди Гага

Леди Гаганинг «The Fame» дебют альбоми нафақат унга муваффақият келтирди, балки Гиннеснинг рекордлар китобидан жой олишга сабаб бўлди. Гап шундаки, у 154 ҳафта давомида хит-парадда асосий ўринни эгаллади, бундан олдин ҳеч бир хонанда бундай натижага эришмаган. Шунингдек, қўшиқчи китобда Google тизимида энг кўп қидирилган машҳур аёл сифатида қайд этилган.

Дуэйн Жонсон

Дуэйн Гиннес китобига уч марта кирган. Биринчи омад унга 2002 йилда кулиб боқди, у  «Чаёнлар қироли» фильмида биринчи бош ролига 5,5 миллион доллар гонорар олгани учун беш йилдан сўнг китоб сертификати билан тақдирланди.

2015 йилда Дуэйн яна бир рекордни янгилашга қарор қилди: у бир неча дақиқа ичида мухлислари билан 75 та селфи тушишга баҳслашди. Аммо актёр «Сан-Андреаснинг бузилиши» фильмининг премьерасида атиги уч дақиқада 150 нафар мухлис билан суратга тушди ва барча фотосуратлар яхши чиқди.

Ва 2017 йилда Жонсон 245 килограмм соус тайёрлади, бу эса унга яна энг ноёб одамлар рўйхатидан жой олишига сабаб бўлди.

Жеки Чан

Жеки — каскадёрлар ёрдамисиз ўзи барча қийин трюкларни бажарадиган энг яхши жанговар фильм актёрларидан биридир. Албатта, бу ҳаракатларнинг барчаси унга баъзан қийинчилик туғдиради, гоҳида ҳаёти хавф остида қолади, лекин принципиал жиҳатдан у ўз ишини махсус тайёрланган одамларга беришни хоҳламайди.

Ўзининг меҳнатсеварлиги ва жанг санъатига бўлган муҳаббати учун Чан Гиннеснинг рекордлар китобига кирди. Раҳбарият уни жуда кўп қийин элементларни ижро этган жанговар фильм актёрлари рўйхатига киритди.

Мадонна

Мадонна ўзининг ютуқлари билан фахрланади, улардан бири Гиннеснинг рекордлар китобига киришдир. 1996 йилда у «Элита» мусиқий фильмида иштирок этди, суратга тушиш пайтида хонанда 85 та кийим ўзгартирди, 42 марта сочини янгитдан турмаклади, 56 марта янги зирак ва 39 марта шляпа кийди. Бу эса рекордлар китобидан ўрин олишига сабаб бўлди.

Жастин Бибер

Жастин ҳам бир неча бор энг кўзга кўринган одамлар рўйхатига кирган. Хонанда китоб сертификати билан ажойиб овози ёки кўп сонли мухлислари учун эмас, балки  «Baby» видеоси учун тарихдаги энг кўп салбий шарҳлар учун тақдирланган. 2011 йилда 1,5 миллионга яқин фойдаланувчи хонанданинг ўзини ҳам, ижодини ҳам танқид қилган. Бироқ бу унинг карьерасига ҳеч қандай таъсир кўрсатмади ва олти йилдан сўнг у яна рўйхатга кирди. Бу сафар у нафақат мухлислари, балки бошқа тингловчиларга ҳам жуда ёққан «Purpose» янги альбоми туфайли саккизта рекордни янгилади.

Шакира

2014 йилда колумбиялик қўшиқчи Facebook ижтимоий тармоғида энг кўп «лайк» тўплаган юлдуз сифатида Гиннеснинг рекордлар китобига киритилган – «лайк»лар сони юз миллионни ташкил этади.

Кети Перри

Худди шу йили Кети Перри ҳам Гиннес китобига киритилган. У Twitter’даги энг машҳур юлдуз унвонини олган Кетининг 52 миллионга яқин обуначилари бор.

Эминем

2013 йилда америкалик рэпер янги «Rap God» қўшиғини оммага тақдим этди ва шу туфайли рекордни янгилади. Гап шундаки, у олти ярим дақиқада 1560 та сўзни талаффуз қилган, бу сониясига 5 та сўздан тўғри келади.

2020 йилда Эминем яна рекордни янгилади: у «Music to Be Murdered By» альбомини тақдим этди. Қизиғи шундаки, у атиги 30 сония ичида 229 та сўзни ижро этган.