Қовоқ ичига гуруч ва гўшт солиб, такрорланмас таъмга эга таом тайёрлаймиз

Ушбу ноодатий таом ҳар қандай дастурхонга кўрк бағишлайди.

Керакли маҳсулотлар:

• гуруч – 140 грамм;
• пиёз – 1-2 дона;
• ўсимлик ёғи – 2 ош қошиқ;
• қийма – 450 грамм;
• долчин – 2 ош қошиқ;
• помидор – 2-3 дона;
• қовоқ – 1 дона;
• туз ва зираворлар, кўкатлар.

1. Гуруч қайнатиб олинади. Пиёз майда тўғралиб, ёғда 5 дақиқа қовурилади.
2. Пиёзнинг устидан қийма қўшилади.
3. Туз ва зираворлар қўшиб, 1 дақиқа қовурилади.
4. Устидан гуруч, тўғралган помидор ва кўкат қўшилади. 5 дақиқа давомида қовурилади.
5. Агар аралашма жуда қуруқ бўлса, озгина сув қўшилади.
6. Қовоқнинг юқори қисми кесиб олинади. Ўртасидан уруғлар ва юмшоқ қисм олиб ташланади. Ичига гўштли аралашма солинади.
7. Қолипга фольга қоғози солиниб, қовоқнинг кесилган қопқоғи ёпилади.
8. Тахминан 2 соат давомида 160 даража печда пишириб олинади.