2021 йилда Эрондан Ўзбекистонга мева ва сабзавотлар импорти кескин ошиши кузатилди, деб хабар беради EastFruit нашри. Хусусан, 2021 йилнинг дастлабки уч чораги давомида Эрон Ўзбекистонга 30,3 миллион долларлик мева ва сабзавот маҳсулотларини етказиб берган. 2020 йилнинг мос даврида ушбу кўрсаткич 5,4 миллион долларни ташкил этганди.
Импорт ҳажмининг асосий ўсиши картошка сегментида кузатилган. Ўзбекистонга 17,6 миллион долларлик 126,4 минг тонна Эрон картошкаси олиб кирилган, бундан олдинги мавсумларда эса мамлакатда Эрондан картошка етказиб берилмаган. Картошкадан ташқари, Эрон Ўзбекистонга хурмо етказишни кескин — 5,4 баробарга оширган. 2021 йилнинг тўққиз ойи давомида Ўзбекистонга 6,9 минг тоннадан ортиқ Эрон хурмолари олиб келинган. Кўрсатилган давр ичида Эрондан мамлакатга киви олиб келиш икки баробарга, писта — 60 фоизга, олма — 20 фоизга, саримсоқ пиёз эса 2,2 баробарга ошган.
Шунингдек, қайд этилишича, Эрондан Ўзбекистонга олиб келинадиган мева ва сабзавот маҳсулотларининг тури ҳам ортган. Сўнгги йилларда Эрондан Ўзбекистонга олиб келинмаган картошка қаторига 2021 йилда иссиқхона гармдориси, тарвузлар, иссиқхона помидорлари, ошқовоқ, сабзи, бодринг, бақлажон, майиз ва қуритилган мевалар қўшилган. Ушбу мева ва сабзавотларнинг импорт ҳажми 100 тоннадан ортиқ, етказиб берилган қуритилган мевалар ва гармдоридан ташқари, юқори эмас.
Қайта йўналиш бўйича эса, яъни Ўзбекистондан Эрондан олдингидек мева ва сабзавотлар етказиб берилмаган.
Эслатиб ўтамиз, ўрик экспорти бўйича дунёда етакчилардан бўлган Ўзбекистон 2021 йилда ушбу меванинг импортёрига айлангани тўғрисида хабар берилганди.
Изоҳ (0)