2021-yilda Erondan O‘zbekistonga meva va sabzavotlar importi keskin oshishi kuzatildi, deb xabar beradi EastFruit nashri. Xususan, 2021-yilning dastlabki uch choragi davomida Eron O‘zbekistonga 30,3 million dollarlik meva va sabzavot mahsulotlarini yetkazib bergan. 2020-yilning mos davrida ushbu ko‘rsatkich 5,4 million dollarni tashkil etgandi.
Import hajmining asosiy o‘sishi kartoshka segmentida kuzatilgan. O‘zbekistonga 17,6 million dollarlik 126,4 ming tonna Eron kartoshkasi olib kirilgan, bundan oldingi mavsumlarda esa mamlakatda Erondan kartoshka yetkazib berilmagan. Kartoshkadan tashqari, Eron O‘zbekistonga xurmo yetkazishni keskin — 5,4 barobarga oshirgan. 2021-yilning to‘qqiz oyi davomida O‘zbekistonga 6,9 ming tonnadan ortiq Eron xurmolari olib kelingan. Ko‘rsatilgan davr ichida Erondan mamlakatga kivi olib kelish ikki barobarga, pista — 60 foizga, olma — 20 foizga, sarimsoq piyoz esa 2,2 barobarga oshgan.
Shuningdek, qayd etilishicha, Erondan O‘zbekistonga olib kelinadigan meva va sabzavot mahsulotlarining turi ham ortgan. So‘nggi yillarda Erondan O‘zbekistonga olib kelinmagan kartoshka qatoriga 2021-yilda issiqxona garmdorisi, tarvuzlar, issiqxona pomidorlari, oshqovoq, sabzi, bodring, baqlajon, mayiz va quritilgan mevalar qo‘shilgan. Ushbu meva va sabzavotlarning import hajmi 100 tonnadan ortiq, yetkazib berilgan quritilgan mevalar va garmdoridan tashqari, yuqori emas.
Qayta yo‘nalish bo‘yicha esa, ya’ni O‘zbekistondan Erondan oldingidek meva va sabzavotlar yetkazib berilmagan.
Eslatib o‘tamiz, o‘rik eksporti bo‘yicha dunyoda yetakchilardan bo‘lgan O‘zbekiston 2021-yilda ushbu mevaning importyoriga aylangani to‘g‘risida xabar berilgandi.
Izoh (0)