ЖЧ—2021. Нодиржон Мирзаҳмедов қозоғистонлик рақибига енгилиб, мусобақа билан хайрлашди

Белград шаҳри мезбонлигида ўтаётган бокс бўйича Жаҳон чемпионатининг 2 ноябрь кунги баҳслари бўлиб ўтмоқда.

-48 кг вазн тоифасида Ўзбекистон шарафини ҳимоя қилаётган Нодиржон Мирзаҳмедов қозоғистонлик Темиртас Жуссуповга қарши рингга кўтарилди. Нодиржон Мирзаҳмедов уч раунд ҳисобига кўра 0:5 ҳисобида мағлуб бўлди ва мусобақани тарк этди.

Нодиржон Мирзаҳмедов аввалги босқичда ирландиялик Рикки Несбитт устидан ғалаба қозонган эди.

2 ноябрь куни яна беш нафар ўзбекистонлик боксчи ўз жангини ўтказади.

• -60 кг: Абдумалик Ҳалоков — Всеволод Шумков (Россия) – 17:50 дан сўнг;
• -75 кг: Саиджамшид Жаъфаров — Випарон Жонгжохо (Таиланд) – 19:15 дан кейин;
• +92 кг: Лазизбек Муллажонов — Давид Чалоян (Арманистон) – 20:15 дан сўнг;
• -63,5 кг: Мужибилло Турсунов — Энди Круз (Куба) – 22:55 дан кейин;
• -92 кг: Мадиёр Саидраҳимов — Льюис Уильямс (Англия) – 00:40 дан сўнг.