Муваффақиятли фильмларнинг давомида роль ижро этишдан бош тортган актёр ва актрисалар (фото)

Агар фильм кассада муваффақиятга эришса, киностудиялар кўпроқ даромад олиш учун картинанинг кейинги қисмини суратга олишни бошлайди. Аммо актёрлар у ёки бу сабабларга кўра ҳар доим ҳам давомий фильмларда роль ўйнашга рози бўлмайди. Гарчи уларга миллионлаб гонорар таклиф қилинаётган бўлса ҳам. Масалан, Киану Ривз «Тезлик-2» жангари фильмини суратга олишдаги иштироки учун 12 миллион доллар ишлаб олиши мумкин эди, бироқ у сценарийни тушунмагани учун рад жавобини берди.

Билл Мюррей

Билл Мюррей «Хаёлот овчилари 3» фильмида суратга тушишдан воз кечди, чунки уни янги фильм ғояси умуман ҳайратда қолдирмади. Унга сценарий шунчалар ёқмадики, уни йиртилган ҳолда қайтариб берди ва «Ҳеч ким арвоҳлар ортидан қуваётган семиз чолларни томоша қилиш учун пул тўламайди», – деди.

Линда Хемилтон

Линда Хемилтон «Терминатор 3: Машиналар исёни» жанговар фильмида роль ўйнашни истамади, чунки у дастлабки иккита фильмдаги қаҳрамони мукаммал тарзда ишлаб чиқилган ва Сара ҳеч қандай сабабсиз қайтарилмаслиги керак деб ҳисоблаган. Шунингдек, у ўқиган сценарий кўпроқ ўғли Жон Коннорга қаратилган бўлиб, актрисанинг қаҳрамони иккинчи даражали эди. Бу, албатта, унга ёқмади.

Киану Ривз

Ажойиб актёрлар иштирокидаги бу абадий ва шиддатли триллер Сандра Буллокни жаҳон юлдузига, Киану Ривзни эса ҳақиқий жангари қаҳрамонга айлантирди. Картинанинг ўзи 30-37 миллион долларлик бюджет билан 350 миллион доллардан кўпроқ пул йиғди.

Актёрлардан давомий фильмда роль ўйнашни сўрашганда, Буллок рози бўлди, лекин Ривз буни хоҳламади. Киануга «Тезлик-2»да иштирок этиш учун 12 миллион доллар таклиф қилинган. Аммо у Сандра билан ишлашни яхши кўришига қарамай, сценарийни тушуна олмаётганини айтди. Айтганча, «Тезлик»нинг давоми кассада муваффақиятсизликка учради, салбий баҳоларга сабаб бўлди, «Олтин малина»нинг «Энг ёмон ремейк ёки давомий картина» номинациясида 8 та мукофотга номзод бўлди.

Рейчел Вайс

Рейчел Вайс «Мумиё» фильмининг 3-қисмида суратга тушишдан бош тортишининг сабабларидан бири – суратга тушиш жараёнида Хитойга 5 ойлик хизмат сафари билан боғлиқ бўлган. Актриса ўша пайтда ўғлини дунёга келтирган ва уни узоқ вақтга тарк этишни хоҳламаган.

Уилл Феррелл

«Эльф» – бу Рождество классикаси бўлиб, Уилл Феррелл учун унга қайтиш асл нусханинг мавқейини йўқ қилиш билан баробар эди. Актёр бундай қилмасликка қарор қилди, шунинг учун унга Эльф Бадди роли учун таклиф қилинган 29 миллион долларлик гонорардан ҳам воз кечди.

Жа Рул

Актёрга бош роль учун 500 минг доллар эвазига «Форсаж» фильмининг иккинчи қисмида ўйнаш таклиф қилинганида, у рад жавобини берди. Жа Рул жанговар фильмда суратга тушишни ўйлаб кўрди, лекин охир-оқибат бу фикрини ўзгартирди, чунки у ўша пайтда Голливудда қолмаслигини ҳис қилди.

Кети Холмс

«Қора рицар» фильмининг давомида суратга тушиш вақти келганида Кети Холмс лойиҳадан воз кечди. Гап шундаки, ўша пайтда «Сохта пул» комедияси суратга олинаётган ва актрисага ажойиб роль таклиф қилинган эди.

Жим Керри

Жим Керри «Ниқоб» фильмининг давомида ўйнаш таклифини рад этган, чунки у ҳеч қачон давомий фильмларнинг катта мухлиси бўлмаган ва бир хил образни икки марта ўйнашга қизиқмаган. У бундай қарорга «Эйс Вентура: Уй ҳайвонларини қидириш» комедиясининг 2-қисмида ўйнаганидан кейин келган.

Брюс Уиллис

Брюс Уиллис «Чегарасиз 3» фильмида яна жаноб Чёрч ролини ўйнаши керак эди. Агар у рози бўлганида, 3 миллион долларга атиги 4 кунлик ишда эга бўлиши мумкин эди. Аммо Уиллис 4 миллион доллар гонорар сўради. Студия рози бўлмагани туфайли у лойиҳада иштирок этишдан бош тортди.

Вин Дизель

Вин Дизель «Форсаж» фильмининг иккинчи қисмидаги роли учун 25 миллион доллардан бош тортди. У буни студиялар асосан 1-қисмга алоқаси бўлмаган янги сюжетларни тарғиб қилишини ёқтирмаслиги билан изоҳлади. Актёр франшизага фақат 4-қисмда қайтишга рози бўлди. Кейин эса фильмлар сценарийсига таъсир ўтказиш шарти билан продюсер бўлди.

Жоди Фостер

Жоди Фостер «Оскар» мукофотига сазовор бўлган «Қўзилар сукунати» триллерининг давоми – «Ганнибал» фильмида ФҚБ агенти Кларисса Старлинг ролини ўйнашни истамаслигини маълум қилди. Актрисага суратга тушишда иштирок этиш учун 20 миллион доллар таклиф қилинган эди.

Майкл Китон

Майкл Китон нима учун Бэтмен франшизасини тарк этгани ҳақида оддий тушунтириш берди – бу янги «Бэтмен абадий» фильмининг сценарийси. У сюжетни «даҳшатли» деб ҳисоблади ва бу супер қаҳрамон билан алоқадор бўлишни хоҳламади. Унинг роли учун 15 миллион доллар таклиф қилинган эди.

Робин Уильямс

Робин Уильямс дастлаб «Оловуддин II: Жаъфарнинг қайтиши» фильмидаги жинга овоз беришга рози бўлди, лекин унинг овози тегишли маҳсулотларни реклама қилишда ишлатилмаслиги шарти билан. Бироқ кейинчалик актёр Disney студияси келишувга риоя қилмади, деб ҳисоблади ва келишмовчиликлар туфайли у охир-оқибат дубляж актёри бўлишдан воз кечди.