Давлат молиявий назорати бошқармаси ва унинг ҳудудий бошқармалари томонидан 2021 йилнинг 9 ойи давомида бюджет интизомига риоя этилиши ва бюджет маблағларининг мақсадли сарфланиши юзасидан ўтказилган назорат тадбирлари натижасида 83,7 миллиард сўмлик камомад ва ўзлаштириш ҳолатларига йўл қўйилгани ошкор қилинган. Бу ҳақда Молия вазирлиги матбуот хизмати хабар берди.
Маълумотларга кўра, бюджет маблағлари ҳисобидан асоссиз ва ортиқча тўловлар 457,7 миллиард сўм, номақбул харажатлар 187,3 миллиард сўмни ташкил этган. Ҳисобот даврида 365 миллиард сўмлик бюджет маблағларининг ноқонуний сарфланишининг олди олинди.
2021 йилнинг ҳисобот даврида аниқланган пул маблағлари ва моддий бойликларнинг камомад ва ўзлаштириш (83,7 миллиард сўм) ҳолатлари 2020 йилнинг 9 ойига (28 миллиард сўм) нисбатан 3 баробарга ошган.
Ушбу ҳолатларнинг аксарияти қуйидаги вазирлик тизимларида аниқланган:- Олий ва ўрта махсус таълим вазирлиги – 23,3 миллиард сўм (2020 йил 9 ойи учун 13 миллиард сўм);
- Соғлиқни сақлаш вазирлиги – 17,2 миллиард сўм (3,9 миллиард сўм);
- Халқ таълими вазирлиги – 14,4 миллиард сўм (15,4 миллиард сўм);
- Мактабгача таълим вазирлиги – 5,7 миллиард сўм (3,8 миллиард сўм);
- Маданият вазирлиги – 2,7 миллиард сўм (1 миллиард сўм).
Бошқа бўлимларга нисбатан камомад ва маблағларни ўғирлаш ҳолатлари энг ками – 2,5 миллиард сўм (1 миллиард сўм) ҳокимликларнинг ободонлаштириш бўлимларида аниқланган.
Бундан ташқари, текширишлар натижасида 457,7 миллиард сўмлик молиявий хато ва камчиликлар, хусусан, иш ҳақи ва унга тенглаштирилган тўловларнинг асоссиз равишда ортиқча тўланиши, қурилиш-таъмирлаш ишларининг баҳосини ошириб кўрсатилиши ҳамда бажарилмаган иш ҳажмларининг ҳисобдан чиқарилиши, инвентар қимматликларини оширилган нархларда сотиб олишга тўғри келади. Бу 2021 йилнинг 9 ойига (101,4 миллиард сўм) нисбатан 4,5 баробар кўпдир.
Бу ҳолатлар асосан ушбу вазирликлар тизимларида аниқланди:- Халқ таълими вазирлиги – 61,1 миллиард сўм (2020 йил 9 ойи учун 25,4 миллиард сўм);
- Мактабгача таълим вазирлиги – 61,1 миллиард сўм (6,9 миллиард сўм);
- Соғлиқни сақлаш вазирлиги – 39,1 миллиард сўм (17,7 миллиард сўм);
- Уй-жой коммунал хизмат кўрсатиш вазирлиги – 27,3 миллиард сўм (6,3 миллиард сўм);
- Маданият вазирлиги – 18,4 миллиард сўм (2020 йил 9 ойда 2 миллиард сўм).
Текширув натижаларига кўра, ҳисобот даврида аниқланган молиявий хато ва камчиликларнинг 510,8 миллиард сўми бюджетга тикланганлиги таъминланди.
Шу билан бирга, назорат тадбирлари давомида бюджет муассасаларининг харажатлар сметаси ва штатларида асоссиз режалаштирилган маблағларни қисқартириш ва бошқа ноқонуний сарфланишига чек қўйиш ҳисобига жами 365 миллиард сўмлик бюджет маблағларининг асоссиз сарфланишининг олди олинди.
Бюджет қонунчилигини бузганлик учун бюджет маблағларини олувчи ташкилотларнинг 15 нафар раҳбари ва бошқа мансабдор шахсларига нисбатан маъмурий ҳуқуқбузарликлар тўғрисида баённомалар тузилди. Ҳужжатлар кўриб чиқиш учун маъмурий судларга юборилди.
Шунингдек, 3847 та назорат тадбирларида аниқланган 724,1 миллиард сўмлик қонунбузарликлар ҳуқуқий баҳо бериш учун ҳуқуқни муҳофаза қилувчи органларга юборилди.
Изоҳ (0)