Адлия вазирлиги «Алимент қарзларини ундириш тартиби такомиллаштирилиши муносабати билан айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини муҳокамага қўйди, деб хабар беради Норма.
Мазкур қонун билан «Суд ҳужжатлари ва бошқа органлар ҳужжатларини ижро этиш тўғрисида»ги қонунга ўзгартиш ва қўшимчалар киритиш кўзда тутилган. Суд ҳужжатлари ва бошқа органлар ҳужжатларининг мажбурий ижро этилишини таъминлаш мақсадида ички ишлар органлари:
- Алимент ундириш бўйича давлат ижрочисининг илтимосига биноан қарздорнинг транспорт воситасини бошқариш ҳуқуқи тўғрисидаги маълумотларни тақдим этиши;
- Давлат ижрочисининг қарздорнинг транспорт воситасини бошқариш ҳуқуқини вақтинча чеклаш тўғрисидаги қарори ижросини таъминлаш;
- Алимент тўламаганлиги сабабли транспорт воситасини бошқариш ҳуқуқи чекланган фуқароларнинг реестрини шакллантириш.
- суд қарорини ижро этиш учун етарли мол-мулк олиб қўйилган тақдирда;
- агар шундай чеклаш белгиланиши қарздор тирикчилигининг асосий ва қонуний манбаидан маҳрум қилса;
- агар қарздор биринчи ва иккинчи гуруҳ ногирони бўлса ёки қарздор қарамоғида Ўзбекистоннинг қонунларида белгиланган тартибда биринчи ёки иккинчи гуруҳ ногирони ёки ногирон бола деб тан олинган шахсга боғлиқ бўлса;
- агар қарздорга ижро ҳужжати талабларини бажариш учун кечиктириш ёки бўлиб-бўлиб тўлаш имконияти берилган бўлса;
- агар вояга етмаган болалар таъминоти учун алиментлар олдиндан тўланган ёки алимент тўлаш мажбуриятини таъминлаш учун гаров шартномаси тузилган бўлса.
Алимент тўлаш бўйича қарздор ижро ҳужжатида назарда тутилган талабларни узрсиз сабабларга кўра, белгиланган муддатда бажармаган тақдирда, улар лицензияларнинг, рухсатномаларнинг ва махсус ҳуқуқларнинг амал қилишини тўхтатиб туриши, шунингдек, унга лицензия беришни вақтинча тақиқлаши мумкин.
Қонун лойиҳаси муҳокамаси 10 ноябргача давом этади.
Аввалроқ наманганлик ота алимент тўловлари эвазига уч нафар фарзанди учун 500 млн сўмлик ҳовли-жойни хатлаб бергани, Тошкент вилоятида алиментдан қарийб 12 млн сўм қарздорлиги бор эркак собиқ турмуш ўртоғини МИБ бўлимида пичоқлагани, Қашқадарёда алимент қарздорлигини ундиришга келган МИБ ходимини темир бўлаги билан урган шахсга жиноят иши қўзғатилгани тўғрисида хабар берилганди.
Изоҳ (0)