25 октябрь куни «Аҳоли ва иқтисодиёт тармоқларини табиий ва суюлтирилган газ билан барқарор таъминлаш чора-тадбирлари тўғрисида»ги Президент қарори қабул қилинди, деб хабар бермоқда Адлия вазирлиги матбуот хизмати.
Қарорга кўра, 2021 йил 1 октябрдан юридик шахслар томонидан Ўзбекистонга импорт қилинган табиий газни реализация қилишда акциз солиғининг нол фоизлик ставкаси белгиланди.
2022 йил 1 январдан ишлаб чиқарувчи корхоналар томонидан сотиладиган суюлтирилган газга акциз солиғи солинмайди.
Тадбиркорларга табиий ва суюлтирилган газни Ўзбекистонга импорт қилишда ҚҚСни 120 кунгача муддатга фоизлар ҳисобланмаган ва унинг тўланишини таъминлаш талаб этилмаган ҳолда, кечиктириб (бўлиб-бўлиб) тўлаш ҳуқуқи берилади.
Маълумот учун, бунга қадар ишлаб чиқарувчи корхоналар томонидан сотиладиган суюлтирилган газ учун акциз солиғи ставкаси 30 фоизни ташкил этарди.
Изоҳ (0)