Ўзбекистон қамоқхоналардаги маҳкумлар сони бўйича дунё мамлакатлари рейтингида 62-ўринни эгаллади. Бу ҳақда World Prison Brief базаси маълумотларида келтирилган.
Дунёнинг 223 та мамлакатидаги маҳкумлар сонига оид эълон қилинган маълумотларга кўра, Ўзбекистонда ҳозирда 22 867 киши қамоқда.
Рейтингда етакчиликни АҚШ — 2 068 800 маҳкум билан (ҳар бир 100 минг кишига 629 нафар маҳкум тўғри келади) қўлга киритилган бўлса, энг охирги поғонани ҳудудида битта ҳам маҳкум бўлмаган Сан-Марино эгаллаган.
МДҲ давлатлари орасида Россия 5-ўрин (471 мингдан ортиқ маҳкум), Туркманистон 49-ўрин (35 минг), Беларусь (32 мингдан ортиқ) Қозоғистон 52-ўрин (29 мингдан ортиқ), Қирғизистон 96-ўрин (10 мингдан ортиқ)ни эгаллаган.
Эслатиб ўтамиз, 2020 йилнинг январида Тошкент шаҳар ИИББ «Панелний» қамоқхонасидаги шароитлар халқаро стандартларга жавоб беришини маълум қилганди. АҚШнинг Халқаро диний эркинлик масалалари бўйича комиссияси 2021 йилнинг октябрида Ўзбекистондаги диний ва сиёсий маҳбуслар ҳақида ҳисоботини эълон қилганди. Ҳисоботда таъкидланишича, мамлакатда президент ўзгарган 2016 йил охиридан бери минглаб маҳбуслар озод этилганига қарамай, 2000 дан зиёд одам конституциявий тузумга тажовуз қилиш, тақиқланган адабиётларни сақлаш ёки тақиқланган гуруҳларга аъзо бўлиш каби «мужмал ва ҳаддан ташқари кенг талқин қилиш мумкин бўлган айбловлар» билан қамоқда қолмоқда.
Изоҳ (0)