Сурхондарё вилояти Жарқўрғон туманида 10 тонна саримсоқ пиёзни олиб, пулини бермай кетган фуқарога жиноят иши қўзғатилди. Бу ҳақда вилоят ИИБ ахборот хизмати хабар берди.
Маълум қилинишича, 8 сентябрь куни Тошкент шаҳрида яшовчи З.З. исмли фуқаро туман ИИБга ариза билан мурожаат қилган. Унинг сўзларига кўра, 28 июль куни туманнинг «Қорабуро» маҳалласида яшовчи опаси, З.Зайнабнинг уйида сақлаб қўйган 10,47 тонна саримсоқ пиёз маҳсулотларини Андижон вилоятида яшовчи К.Карим исмли шахс 183,3 миллион сўмга савдолашиб олган.
К.Карим пулларни маҳсулотни сотганидан кейин беришини айтиб, ҳозирги кунга қадар пулларини бермасдан, ўзлаштириб юборган.
Таъкидланишича, ҳолат юзасидан 7 октябрь куни К.Каримга нисбатан Жиноят кодексининг 168-моддаси 4-қисми «а» банди билан жиноят иши қўзғатилган
Аввалроқ Самарқандда тадбиркорларнинг қарийб 550 млн сўм пулини ўзлаштирган шахслар аниқлангани, Тошкент вилоятида фирибгарлик учун 5 марта судланган фуқаро яна шу жиноят устида қўлга тушгани тўғрисида хабар берилганди.
Изоҳ (0)